17 “Yupela i no ken paulim kot bilong man bilong narapela ples i stap wantaim yupela o bilong pikinini i no gat papa,*+ na yupela i no ken kisim klos bilong wanpela wido olsem mak bilong bekim dinau.+

 3 Yupela i mas helpim* ol man i no gat nem na ol pikinini i no gat papa.+

Yupela i mas mekim stretpela kot long ol man i no gat helpim na ol man i stap rabis.+

9 “Jehova, bosman bilong bikpela lain ami i tok olsem, ‘Yupela i mas mekim kot long pasin i stret,+ na yupela i mas mekim gutpela pasin laikim*+ na marimari long narapela narapela. 10 No ken giamanim ol wido, ol pikinini i no gat papa,*+ ol man bilong narapela ples,+ na ol rabisman+ bilong kisim ol samting bilong ol; na long bel bilong yupela, yupela i no ken tingting long mekim nogut long narapela narapela.’+

27 Pasin bilong mekim lotu i klin na i no gat doti long en long ai bilong God Papa bilong yumi i olsem: yumi mas lukautim gut ol pikinini i no gat papamama+ na ol wido,+ na helpim ol long karim ol hevi bilong ol.+ Na yumi mas stap longwe olgeta long pasin doti bilong dispela graun.+