22 Long taim ol dispela hevi bin painim King Ahas, em i givim baksait moa yet long Jehova. 23 Na em i kirap long mekim sakrifais long ol god bilong ol Damaskus,+ em dispela lain i bin kam pait na winim em.+ Na em i tok: “Ol god bilong ol king bilong Siria i save helpim ol, olsem na mi bai mekim sakrifais long ol dispela god na bai ol i helpim mi tu.”+ Tasol dispela i bagarapim em na olgeta manmeri bilong Israel.