39 Long dispela taim, king bilong Babilon em Merodak-baladan, pikinini man bilong Baladan, i salim ol pas na presen i go long Hesekia,+ long wanem, em i harim olsem Hesekia i sik na em i kamap orait gen.+ 2 Hesekia i amamas na welkamim ol wokman bilong king na em i soim ol long haus bilong putim mani samting+—ol silva, ol gol, balsam* oil na ol arapela gutpela oil, olgeta samting bilong pait, na olgeta samting i stap long dispela haus. Hesekia i no haitim wanpela samting long ol dispela man, nogat, em i soim olgeta samting i stap long haus* bilong em na long kantri bilong em.