• Aisaia 3:18-23
    Nupela Taim Trenslesen Bilong Ol Skripsa Holi

    • 18 Long dispela taim, Jehova bai tekewe ol naispela bilas bilong ol: ol bengol bilong lek,

      Ol paspas bilong het, ol bilas i gat ol liklik mun,+

      19 Ol iaring,* ol breslet, na ol laplap bilong karamapim het,

      20 Ol laplap bilong het, ol sen bilong lek, na ol hap laplap i gat gutpela bilas em ol i pasim olsem belt,

      Ol botol pefium na ol paspas i gat ol sel,

      21 Ol ring bilong pinga na ol ring bilong nus,

      22 Ol longpela klos bilong spesel bung, ol saket, ol longpela saket na ol paus,

      23 Ol mira ol i holim long han+ na ol laplap linen,*

      Ol laplap bilong raunim long het na ol laplap bilong karamapim het.

  • Jeremaia 4:30
    Nupela Taim Trenslesen Bilong Ol Skripsa Holi

    • 30 Nau yu bagarap pinis, olsem na bai yu mekim wanem?

      Yu save bilasim yu yet long retpela klos,

      Na yu save bilasim yu yet long bilas gol,

      Na yu save penim ai bilong yu long blakpela kala bilong mekim em i luk nais.

      Tasol yu westim nating taim bilong yu long bilasim yu yet,+

      Long wanem, ol man i gat laik long yu na i save bihainim yu, ol i givim baksait long yu;

      Nau ol i laik kilim yu i dai.+