9 Ol bai krai wantaim na i kam.+

Mi bai stiaim ol, na taim ol i kam, ol bai askim mi long mekim gut long ol.

Long wanem, mi Papa bilong Israel, na Efraim em i fesbon bilong mi.”+

20 “Efraim em i pikinini man i dia tumas long mi, na mi laikim em tumas.+

Tru, planti taim mi tok long mekim save long em, tasol mi save tingim em yet.

Olsem na ol samting mi pilim long bel* i kirapim mi long helpim em.+

Na mi bai sori long em,” Jehova i tok olsem.+