32 Orait ol i kamap long hap ol i kolim Getsemani, na Jisas i tokim ol disaipel bilong em: “Yupela sindaun long hia na bai mi go beten.”+ 33 Na em i kisim Pita, Jems, na Jon i go wantaim em,+ na em i kirap long pilim bel hevi na bikpela wari. 34 Na em i tokim ol: “Bel bilong mi i hevi nogut tru+ na mi laik i dai. Yupela stap hia na was i stap.”+ 35 Na em i wokabaut i go liklik moa na pundaun long graun na stat long beten olsem, sapos inap, dispela taim nogut i ken abrusim em. 36 Na em i tok: “Aba,* Papa,+ yu inap mekim olgeta samting, rausim dispela kap long mi. Tasol yu no ken mekim samting mi laikim, nogat, mekim samting yu laikim.”+

40 Ol i kamap long dispela hap na em i tokim ol: “Yupela i mas beten i stap, bai yupela i no ken pundaun long traim.”+