9 Long dispela as tasol God i givim bikpela namba moa long em+ na i givim em wanpela nem i winim olgeta arapela nem,+ 10 na bai olgeta i ken brukim skru long nem bilong Jisas—em olgeta long heven na long graun na aninit long graun+— 11 na olgeta maus i ken tokaut long ai bilong ol man olsem Jisas Krais em i Bikpela,+ na dispela i ken givim glori long God Papa.

9 Tasol yumi lukim olsem Jisas, inap sotpela taim namba bilong em i no winim namba bilong ol ensel,+ nau em i kisim glori na ona bikos em i bin karim pen na i dai,+ na bai long rot bilong bikpela pasin helpim bilong God, em i ken kisim ples bilong olgeta manmeri na i dai.+

11 Holi spirit i bin tokaut long ol pastaim long ol pen na hevi Krais bai karim+ na long gutpela samting bai kamap bihain. Na oltaim ol dispela profet i wok long skelim wanem taim na olsem wanem ol dispela samting bai kamap long Krais+ olsem holi spirit i bin soim ol.