12 Tasol ol lain husat i bin kisim em, em i givim namba long ol long kamap pikinini bilong God,+ long wanem, ol i bilip long nem bilong em.+ 13 Ol i no kamap pikinini bilong God long rot bilong blut o long laik bilong papamama o long laik bilong man, nogat, ol i kamap olsem long rot bilong God.+

3 Yumi litimapim nem bilong God na Papa bilong Bikpela bilong yumi, Jisas Krais. Long rot bilong bikpela pasin marimari bilong em, em i mekim na yumi bon gen,+ na long rot bilong kirap bek bilong Jisas Krais yumi wetim samting em tru tru bai i kamap.+

23 Yupela i bin bon gen,+ i no long rot bilong wanpela sid i save bagarap, nogat, em long rot bilong wanpela sid* i no inap bagarap.+ Na long tok bilong dispela God i save stap laip oltaim, dispela samting i kamap.+

9 Olgeta man i pikinini bilong God ol i no save bihainim pasin bilong sin,+ long wanem, holi spirit* bilong Em i stap long ol. Na ol i no inap wokabaut long pasin bilong sin, long wanem, ol i pikinini bilong God.+