JOP

 3 “Dispela de we mi bin bon i ken bagarap,+

Na dispela nait ol i tok: ‘Wanpela bebi boi i bon!’

Na God antap i no laik lusim tingting olgeta long dispela de;

Na san i no ken lait long dispela de.

 6 Mobeta bikpela tudak tru i karamapim dispela nait;+

Na mobeta dispela nait i no gat amamas long en olsem ol arapela de bilong yia,

Na mobeta ol i rausim dispela nait long kalenda na ol i no kaunim wantaim ol de bilong ol mun.

 7 Tru tumas! Mobeta i no gat wanpela pikinini i bin bon long dispela nait;

Na i no gat singaut bilong amamas long dispela nait.

 8 Larim ol man i mekim tok nogut long dispela nait, ol i ken tok long dispela nait i ken bagarap,

Em ol man i gat strong bilong kirapim Leviatan.*+

 9 Mobeta lait bilong ol sta long dispela nait i no lait;

Mobeta dispela nait i no pinis,

Na mobeta tulait i no bin bruk.

10 Long dispela de mama bilong mi i bin karim mi;+

Olsem na nau mi bungim planti hevi.

12 Wai na mama bilong mi i slipim mi antap long lek bilong em

Na givim susu long mi?

13 Sapos mi slip i stap na i no gat wanpela i kirapim mi;+

Bai mi slip i stap na malolo+

14 Olsem ol king bilong graun na ol edvaisa bilong ol,

Em ol i bin wokim ol ples bilong ol em nau i bagarap i stap,

15 O olsem ol prins* em ol i gat gol em ol i bin dai pinis na malolo i stap,

Na haus bilong ol i pulap long silva.

16 O, wai na mi no laik wankain olsem bebi i lus long bel bilong mama,

O wai na mi no laik i dai paslain long mi bon?

17 Long ples bilong ol man i dai pinis, ol man nogut i no inap mekim pasin nogut moa;

Long dispela ples ol man skin bilong ol i les, ol i malolo gut.+

18 Long dispela ples ol kalabusman i save stap isi wantaim;

Ol i no save harim moa nek bilong man i fosim ol long mekim wok.

19 Long dispela ples, maski man i gat biknem o man nating, olgeta i wankain tasol,+

Na sleiv i no stap aninit moa long bosman bilong em.

20 Wai na God i givim lait long ol man i karim pen na hevi

Na wai na em i givim laip long ol man i gat bikpela hevi?+

21 Watpo ol man i laik tru long i dai, tasol ol i no i dai,+

Maski ol i wok strong moa long painim dai winim ol samting i dia tumas i stap hait?

22 Ol i amamas moa yet,

Na taim ol i painim matmat ol i belgut.

23 Wai na God i givim lait long man i paul long rot,

Em man God i banisim olgeta rot bilong em?+

24 Mi no save kaikai. Bel bilong mi i krai tasol,+

Na singaut na krai bilong mi+ i olsem wara i pairap strong na ran i go.

25 Long wanem, samting mi no ting bai kamap long mi, i kamap long mi,

Na samting mi pret long en i painim mi.

 3 Mi save, yu bin stretim planti man,

Na yu save strongim ol manmeri i no gat strong.

 4 Man i laik pundaun, tok bilong yu i bin kirapim em gen,

Na ol man em ol yet i no inap sanap, yu bin strongim ol.

 5 Tasol nau, taim nogut i painim yu, na dispela i daunim yu stret;

Hevi i painim yu na yu no amamas.

 8 Mi bin lukim olsem ol man i planim samting nogut

Na ol man i planim trabel, olgeta bai i kamautim wankain kaikai.

 9 God i winim win bilong em na ol i pinis olgeta,

Na belhat bilong em i pinisim ol olgeta.

10 Laion i save singaut, na ol man inap harim singaut bilong pikinini laion,

Tasol maski i olsem, tit bilong ol strongpela laion i save bruk.

11 Sapos laion i no gat kaikai, em bai dai,

Na ol pikinini bilong laion bai go nabaut.

12 Wanpela i hait i kam na i toktok long mi,

Na wanpela i toktok isi tru long yau bilong mi.

13 Long nait, long taim we ol man i save slip i dai,

Mi lukim ol visen we i mekim mi tingting planti,

14 Na bodi bilong mi i guria stret,

Na mi pret nogut tru.

15 Mi pilim wanpela samting* i kam i go;

Na skin gras bilong mi i sanap.

16 Dispela samting i sanap na i no muv,

Tasol mi no inap luksave em i wanem samting.

Wanpela samting i stap long fran bilong ai bilong mi;

I no gat nois, na bihain mi harim wanpela nek i tok:

17 ‘Yu ting wanpela man inap i stap stret moa winim God?

18 Harim! Em i no save bilip long ol wokman bilong em,

Na em i save sutim tok long ol ensel* bilong em.

19 Sapos em i save mekim olsem, orait em i save mekim moa yet long ol man em ol i stap long haus bilong klei,

Em ol lain em i bin wokim ol long graun,+

Na i isi moa long krungutim ol wankain olsem binatang!

20 Long moning i go inap long apinun, ol i pinis olgeta;

Ol i no stap moa, na ol arapela manmeri i no save tingim ol moa.

 2 Sapos man i wok long bel kaskas long narapela, orait dispela pasin bilong em bai kilim em i dai,

Na sapos man i gat kranki pasin em i bel nogut oltaim long narapela, orait dispela pasin bilong em bai kilim em i dai.

 3 Mi bin lukim man i no gat gutpela tingting i stap gut,

Tasol wantu trabel i kamap long haus bilong em.

 4 Ol pikinini man bilong em i no gat rot bilong i stap gut,

Na ol i krungutim ol long geit bilong taun,+ na i no gat man bilong helpim ol.

 5 Man i hangre, bai kisim kaikai em man i no gat gutpela tingting i bin kisim long gaden bilong em,

Em i kisim tu kaikai i stap namel long ol rop i gat nil,

Na ol bai kisim ol samting bilong dispela man i no gat gutpela tingting na bilong ol pikinini man bilong em.

 6 Ol samting nogut i no save kamap long graun olsem gras nogut, nogat,

Na ol hevi i no save kamap long graun olsem gras nogut.

 7 Laip bilong man bai i gat hevi yet,

Olsem paia i save lait na sutim ol liklik hap paia i go antap.

 8 Tasol sapos mi olsem yu, bai mi askim God long helpim mi,

Na mi bai askim God long harim kot bilong mi,

 9 Em dispela Man i save mekim planti bikpela wok na ol samting we yumi no inap save long en,

Em i save mekim planti gutpela samting em yumi no inap kaunim.

10 Em i save salim ren i kam daun long graun

Na em i save givim wara long bikbus.

11 Em i save givim biknem long man i no gat nem,

Na em i save kisim bek man i karim pen na hevi.

12 Em i save paulim tingting bilong ol man bilong trik,

Em i mekim olsem bai wok bilong ol i no ken i go het.

13 God i larim ol pasin trik na pasin giaman bilong ol saveman yet i holimpasim ol,+

Em i mekim olsem bai ol samting ol saveman i tingting long mekim i no ken kamap gut.

14 Long san tudak i karamapim ol,

Maski san i lait, ol i kamap olsem ol manmeri i stap long tudak na i wok long painim painim ol samting.

15 Em i kisim bek ol man long maus bilong ol man nogut i olsem bainat,

Na em i kisim bek ol rabisman long han bilong ol man i daunim ol,

16 Olsem na ol man i no gat nem, ol i ken bilip na wet long gutpela samting i kamap long ol,

Tasol maus bilong ol man nogut i pas olgeta.

17 Sapos God i stretim wanpela man, orait dispela man i ken amamas;

God i Gat Olgeta Strong i stretim yu, olsem na yu no ken givim baksait long tok bilong em!

18 Tru God inap mekim na man i kisim pen, tasol em inap oraitim em gen;

Em i save mekim save long man, tasol em yet i save oraitim em gen.

19 Em bai kisim bek yu long ol hevi i wok long painim yu,

Maski 6-pela o 7-pela taim hevi i painim yu.

20 Long taim bilong hangre, em bai kisim bek* yu na yu no inap i dai,

Na long taim bilong pait, em bai kisim bek yu na bainat i no inap kilim yu i dai.

21 Yu bai no kisim bagarap long maus i save kamapim ol tok nogut,+

Na taim samting nogut i kamap, bai yu no pret.

22 Long taim nogut na long taim bilong bikpela hangre, bai yu lap tasol,

Na bai yu no pret long ol wel animal bilong graun.

23 Na gaden bilong yu bai i no gat planti ston,*

Na ol wel animal bai i stap gut wantaim yu.

24 Na yu bai i stap bel isi long haus sel bilong yu,

Na taim yu go long ples we ol animal bilong yu i kaikai gras i stap, bai yu lukim olsem olgeta animal bilong yu i stap, na i no gat wanpela i lus.

25 Na bai yu gat planti pikinini,

Na ol lain tumbuna pikinini bilong yu bai kamap planti tru olsem gras i stap nabaut long graun.

26 Yu bai i gat strong yet taim yu kamap lapun tru, na bai yu dai,

Yu bai olsem ol bandel wit i redi na ol man i no kisim inap long taim stret bilong en.

2 “Aiyo, sapos mi inap putim olgeta bel hevi+ bilong mi long skel

Na trabel bilong mi tu long skel!

 4 God i Gat Olgeta Strong i sutim mi long ol spia,

Na mi pilim posin i stap long ol spia i go insait long bodi bilong mi;+

God i mekim save long mi na mi pret nogut tru.

 5 Olsem wanem? Yu ting wel donki+ bai i singaut, sapos em i gat gras bilong kaikai?

O wanpela bulmakau man bai i singaut, sapos em i gat kaikai bilong kaikai?

 8 Mi laik tru bai mi kisim bekim bilong askim bilong mi

Na God bai i mekim samting mi askim long en!

 9 Mi laik bai em i krungutim mi,

Na em i ken putim han i kam na pinisim mi olgeta!+

10 Sapos em i mekim olsem, dispela bai mekim isi bel bilong mi;

Mi bai amamas na kalap kalap, maski mi karim bikpela pen tumas,

Long wanem, oltaim mi no save givim baksait long tok bilong God Holi.+

13 Mi no gat strong bilong helpim mi yet

Na i no gat wanpela i helpim mi.

14 Man i no soim gutpela pasin laikim* long narapela man+

Em bai givim baksait long pasin bilong pret long God i Gat Olgeta Strong.+

15 Ol pren* bilong mi i giamanim mi+ olsem wara i kamap long taim bilong ren

Ol i olsem wara i ran long taim bilong ren, na taim ren i pinis, em i drai.

16 Ol dispela wara i tait,

Long wanem, ais na sno i melt na i pulap long ol.

17 Tasol long taim bilong san, ol i save drai olgeta;

Long taim drai sisen i kamap, ol i save drai.

18 Ol i save lusim rot bilong ol;

Ol i save ron i go long ples nating na pinis.

19 Ol man i lusim Tima+ na i go, ol i wok long painim wara;

Ol man i lusim Seba+ na i go, ol tu i wet long en.

20 Ol i pilim nogut, long wanem, ol i ting ol bai painim wara, tasol nogat;

Ol i go kamap na ol i no lukim wara, olsem na ol i no amamas.

21 Yupela i olsem ol dispela wara. Yupela i no strongim mi;+

Yupela i lukim hevi i bagarapim mi, na yupela i pret.+

23 Na ating mi bin askim yupela long kisim bek mi long han bilong ol birua

O mi bin askim yupela long kisim bek* mi long han bilong ol man i mekim nogut long mi?

24 Goan, yupela skulim mi, na mi bai pasim maus na harim tok bilong yupela;+

Na helpim mi long kliagut long ol rong mi bin mekim.

27 Na yupela i pilai satu* long pikinini i no gat papa na mama+ bilong painimaut olsem em bai stap sleiv bilong husat

Na yupela i salim pren bilong yupela bilong kisim mani!+

28 Orait nau yupela lukim mi,

Mi no inap tok giaman long ai bilong yupela.

29 Mi laik bai yupela i mas skelim mi gen, na yupela i no ken kisim tingting kranki long mi,

Yes, mi laik yupela i mas skelim pasin bilong mi gen, long wanem, pasin bilong mi i stap stret yet.

7 “Laip bilong ol man long graun i pulap long hatwok na ol hevi,

Na ol de man i stap laip i olsem wokman ol i haiarim bilong mekim wok.+

 2 Olsem wanpela wokboi nating, ol i laik tru bai sedo i kamap,

Na olsem wanpela wokman ol i haiarim bilong mekim wok, ol i wet long kisim pe bilong ol.+

 3 Insait long planti mun mi karim hevi,

Na long ol nait mi pilim bel hevi tru.+

 5 Skin bilong mi i pulap long ol liklik snek bilong lang na ol hap graun;+

Skin bilong mi i pulap long ol sua i luk olsem ol i drai na susu i pulap long ol sua bilong mi.+

 6 Ol de bilong mi i go hariap tru,+

Na ol i pinis na i no gat gutpela samting bilong wet long en.+

 7 God, tingim laip bilong mi i olsem win,+

Na ai bilong mi i no inap lukim amamas gen.

 8 Ai i lukim mi nau i no inap lukim mi moa;

Ai bilong yu bai painim mi, tasol bai mi no stap moa.+

 9 Olsem klaut i go pinis na i no stap moa,

Na man i go daun long Matmat* i no inap kam antap gen.+

10 Em bai i no inap go bek gen long haus bilong em,

Na ol manmeri long ples bilong em bai i no tingim em moa.+

Mi bai tokaut long bel hevi mi pilim long bel bilong mi;

Bel bilong mi i hevi tru olsem na mi mas toktok.+

12 Olsem wanem? Mi olsem solwara o mi olsem wanpela bikpela animal bilong solwara,

Na yu mas putim man bilong was long mi, a?

13 Mi tok olsem, ‘Bet bilong mi bai mekim gut bel bilong mi;

Na ples bilong mi long slip bai helpim mi long daunim bel hevi bilong mi,’

14 Tasol yu givim ol driman long mi na ol i pretim mi tru

Na yu givim ol visen long mi na mekim mi pret,

15 Olsem na mi ting mobeta ol i pasim nek bilong mi.

19 Mi laik bai yu tanim na yu no lukluk moa long mi,

Lusim mi stap sotpela taim na bai mi ken daunim spet liklik.+

21 Bilong wanem yu no lusim sin bilong mi

Na lusim tingting long rong bilong mi?

Liklik taim nau bai mi dai na go bek long graun,+

Na bai yu painim mi, tasol mi no inap stap moa.”

 4 Ol pikinini bilong yu i mekim sin long God,

Na em i larim bagarap i painim ol long sin ol i bin mekim;

 5 Tasol sapos yu lukluk long God+

Na yu askim God i Gat Olgeta Strong long orait long yu,

 6 Na sapos yu mekim klinpela na stretpela pasin,+

Orait em bai i kam na helpim yu*

Na em bai mekim yu i stap gut gen long ples i stret yu mas i stap long en.

 7 Na maski sindaun bilong yu i no gutpela,

Bihain sindaun bilong yu bai kamap gutpela.+

 8 Yu mas askim ol lain i bin i stap bipo,

Na skelim gut ol samting em ol tumbuna bilong ol i bin painimaut.+

 9 Yumi bon asde tasol, na yumi gat liklik save tasol,

Long wanem, laip bilong yumi long graun em i sotpela.*

10 Ol inap skulim yu

Na tokim yu long ol samting ol i save long en.*

12 Nogat, maski plaua bilong ol i no op yet,

Ol bai drai kwik paslain long ol arapela gras.

13 Ol man i lusim tingting long God, wankain samting bai painim ol,

Ol samting em man i no tingim God* i bilip long en, bai bagarap.

14 Em i bilip nating long ol samting em i gat

Na ol samting em i bilip long en i no strong olsem haus bilong spaida i no strong.

15 Em bai lin long haus bilong em, tasol haus bai i no sanap;

Em bai traim long holim, tasol haus bai i no stap longpela taim.

16 Em i olsem plaua i kisim wara na i kamap gut long taim bilong san,

Na ol rop bilong em i go nabaut long olgeta hap bilong gaden na i putim ol nupela kru.+

17 Na ol rop bilong em i pas strong long ol ston;

Em i painim haus antap long ol ston.*

18 Tasol taim ol i kamautim em long ples bilong em,

Orait ples bilong em bai i tok, ‘Mi no save long yu.’+

19 Na em bai i no stap moa;+

Na ol arapela plaua i kamap na kisim ples bilong em.

20 Tru tumas, God i no inap givim baksait long ol man i stap gut long em;*

Na em i no inap helpim* ol man nogut,

21 God bai mekim maus bilong yu i lap nogut tru

Na em bai mekim maus bilong yu i singaut na amamas.

22 Ol man i nolaik tru long yu, sem bai i karamapim ol olsem klos i karamapim skin bilong ol,

Na haus sel bilong ol man nogut bai i no stap moa.”

 3 Sapos wanpela man i laik tok pait wantaim God,*+

Orait dispela man i no inap bekim wanpela askim bilong God, maski God i givim em 1,000 askim.

 5 Em i save surikim* ol maunten i go na i no gat wanpela i save;

Na taim em i belhat, em i save tanim ol.

 6 Em i save mekim graun i seksek

Na bai ol samting bilong strongim graun i guria.+

 7 Em i save tokim san long no ken lait

Na em i save pasim lait bilong ol sta na ol man i no inap lukim;+

 8 Em wanpela i bin putim ples antap,+

Na em i save wokabaut antap long bikpela weiv bilong solwara.+

 9 Na em i wokim lain sta ol i kolim Es, Kesil, na Kima,+

Na em i wokim lain sta i stap long hap saut bilong skai;*

10 Em i save mekim ol strongpela wok na ol samting we yumi ol man i no inap tru long painimaut as bilong en,+

Na ol bikpela samting we yumi no inap kaunim namba bilong ol.+

11 Em i kam i go abrusim mi na mi no inap lukim em;

Em i abrusim mi na i go, tasol mi no luksave long em.

13 God i no inap pasim belhat bilong em;+

Na ol man i helpim Rahap,*+ ol tu bai brukim skru long em.

14 Olsem na taim mi bekim tok long em,

Mi bai skelim gut wanem tok mi mekim long em.

Mi no ting em bai harim singaut bilong mi,

17 Em i salim bikpela win na ren i kam bagarapim mi

Na em i givim nating bikpela pen na hevi moa long mi.+

18 Em i no save larim mi pulim win liklik;

Em i wok yet long givim planti hevi long mi.

20 Maski mi no mekim rong, maus bilong mi yet bai kotim mi;

Na maski mi stap gut long God,* em bai tokaut olsem mi gat asua.

21 Maski mi stap gut long God,* mi no save wanem samting bai kamap long mi;

Mi les tru long* dispela laip bilong mi.

22 Olgeta samting i wankain. Olsem na mi tok,

‘Em i save bagarapim ol man i no gat asua* na em i save bagarapim tu ol man nogut.’

23 Na sapos tait wara i kamap na i kilim ol man i dai,

God bai amamas tasol long lukim hevi i painim ol man i no gat asua.

24 Em i larim dispela graun i stap long han bilong ol man nogut;+

Em i karamapim ai* bilong ol jas.

25 Ol de bilong mi long i stap laip i save go pinis hariap tru, winim man i save ran i go bilong bringim tok;+

Ol i pinis hariap tru na mi no bungim gutpela taim.

26 Ol i go pinis hariap tru olsem bot i spit tru em ol i wokim long pitpit,

Na olsem tarangau i hetwin i kam daun bilong holimpas abus.

27 Sapos mi tok, ‘Mi inap lusim tingting long bel hevi bilong mi,

Orait pes bilong mi bai senis na mi bai amamas,’

28 Mi pret yet, long wanem, mi karim planti pen na hevi,+

Na mi save yu lukim mi olsem man i gat asua.

30 Na sapos mi waswas long wara bilong sno i melt,

Na mi wasim han bilong mi long sop,*+

31 Orait yu bai putim mi i go insait long hul i gat graun malumalum,

Na dispela bai mekim na ol klos bilong mi bai i no laik tru long mi.

32 God em i no man olsem mi, na mi mas stretim tok wantaim em,

Na go kot wantaim em.+

34 Sapos God i no paitim mi moa*

Na em i no larim ol samting nogut em i mekim i pretim mi,+

35 Orait bai mi no pret long toktok long em,

Long wanem em i no pasin bilong mi long pret.

Yu rabisim ol samting em yu yet i bin wokim long han bilong yu,+

Na yu orait long tok bilong ol man nogut.

 6 Na yu wok long painim ol rong bilong mi

Na yu strong tumas long painim sin bilong mi?+

 7 Yu save olsem mi no gat asua;+

Na i no gat wanpela man inap kisim bek mi long han bilong yu.+

 8 Yu yet i bin wokim mi long han bilong yu,+

Tasol nau yu laik bagarapim mi olgeta.

 9 Tingim, yu bin wokim mi long graun,+

Tasol nau yu laik mekim mi kamap graun gen, a?+

10 Yu bin putim mi insait long bel bilong mama bilong mi

Na mekim mi i kamap insait long bel bilong em.*

12 Yu bin givim laip long mi na soim gutpela pasin laikim* long mi;

Yu bin lukautim gut laip bilong mi.+

14 Sapos mi bin mekim sin, yu bai lukim,+

Na yu bai tok mi gat asua long rong mi bin mekim.

Na maski mi no gat asua, mi no inap apim het bilong mi,+

Long wanem mi karim planti pen na hevi na mi sem nogut tru.+

16 Sapos mi apim het bilong mi, yu bai ranim mi olsem laion i ranim abus,+

Na yu bai kamapim gen strong bilong yu bilong daunim mi.

17 Yu bringim ol nupela man i kam tokaut olsem mi gat asua

Na belhat bilong yu long mi i kamap bikpela moa,

Na planti hevi i wok yet long painim mi.

19 Na long bel bilong mama, mi go stret long matmat;

Na dispela bai i olsem mi no bin kamap.’

20 Ol de bilong mi long i stap laip i sot tru.+ Olsem na God i mas lusim mi;

Na em i no ken lukluk long mi, na bai mi ken i stap bel isi.*+

21 Na mi bai go long ples we mi no inap kam bek,+

Mi bai go long ples i tudak nogut tru,+

22 Na ples i tudak stret,

Em ples we ol samting i no stap stret na i paul nabaut,

Na ples we lait i kamap olsem tudak.”

 4 Yu bin tok olsem, ‘Tok* bilong mi i stret,+

Na mi no gat asua long ai bilong God.’+

 5 Olaman! Mi laik bai God i toktok

Na opim maus bilong em na bekim tok long yu!+

 6 Na em i ken kamapim as bilong savetingting long yu,

Long wanem, i gat planti samting i insait long savetingting.

 9 Savetingting bilong em i longpela tru winim mak bilong graun olgeta

Na i bikpela moa yet na i winim mak bilong solwara.

10 Sapos em i kam na kalabusim wanpela man na bringim em long kot,

Orait husat inap long pasim em?

12 Sapos wanpela wel donki inap karim pikinini bilong man

Orait man i no gat gutpela tingting em inap kisim gutpela tingting.

13 Yu mas stretim tingting bilong yu,

Na beten long God.

14 Sapos yu mekim wanpela pasin i no stret, orait yu mas lusim,

Na no ken larim pasin i no stret i stap long haus sel bilong yu.

15 Sapos yu mekim olsem, orait yu inap apim pes bilong yu we i no gat bagarap long en;

Na yu bai stap strong, na yu no pret.

16 Na yu bai lusim tingting long ol hevi bilong yu;

Na yu bai i no tingim ol moa, olsem wara i save ron i kam na i go.

17 Na laip bilong yu bai kamap gutpela tru olsem san i lait gut tru long belo;

Na ol hevi bilong yu olsem tudak, ol bai pinis olsem tulait i kamap long moning.

18 Yu bai i no pret, long wanem, yu bilip na wet long gutpela samting bai kamap bihain,

Na yu bai lukim olgeta samting bilong yu i stap gut, olsem na bai yu sindaun gut.

19 Taim yu slip, yu bai slip gut na i no gat wanpela bai mekim yu i pret,

Na planti manmeri bai kam askim yu long helpim ol.

20 Tasol ai bilong ol man nogut bai i go nogut;

Na ol bai i no gat rot bilong ranawe,

Na ol bai i wet tasol long dai i painim ol.”+

 2 “Tru tumas, ating yupela tripela tasol i gat olgeta save,

Na taim yupela i dai, bai yupela i karim olgeta savetingting i go wantaim yupela!

 4 Tasol nau ol pren bilong mi i tok bilas long mi,+

Mi singaut long God na mi laik bai em i harim.+

 5 Ol man i stap gut na i no gat hevi, ol i no laikim tru hevi,

Ol i ting i stret hevi i painim ol man i laik pundaun.

 6 Haus sel bilong ol stilman i save stap gut,+

Na ol man i save mekim God i kros, sindaun bilong ol i gutpela,+

Em ol man i karim ol imis bilong ol long han bilong ol em ol i save lotuim.

 7 Orait nau mi laik bai yu go askim ol animal na bai ol i skulim yu;

Na tu, askim ol pisin na ol bai tokim yu.

 8 O yu skelim gut* graun na em bai skulim yu;

Na skelim gut ol pis i stap long solwara na ol bai tokaut long yu.

 9 Olgeta dispela samting i save olsem

Jehova i wokim ol long han bilong em.

10 Laip bilong olgeta samting i gat laip i stap long han bilong em,

Na strong bilong laip bilong olgeta man tu.+

12 I tru, ol lapun i gat savetingting+

Na ol man i stap laip longpela taim ol i gat gutpela save.

13 Tasol God i gat savetingting na bikpela strong;+

Na samting em i tingting pinis long mekim, em i save mekim na em i kliagut long ol samting.+

14 Sapos em i brukim wanpela samting, orait i no gat man inap wokim gen;+

Na wanem samting em i pasim, i no gat man inap opim.

15 Sapos em i pasim ren, orait taim bilong biksan i kamap na graun i save drai olgeta;+

Na sapos em i salim ren i kam, orait ol wara i save tait moa yet na i karamapim graun.+

16 Em i gat bikpela strong na savetingting;+

Ol man i mekim sin na ol man i stiaim ol narapela long mekim sin, olgeta i stap long han bilong em;

17 Ol man i save givim tingting long ol narapela, em i save mekim ol i wokabaut lek nating,*

Na em i save mekim ol jas tu i kamap longlong.+

18 Em i save rausim ol king long wok bilong ol,+

Na em i save mekim ol i kamap wokboi nating.

19 Em i save mekim ol pris i wokabaut lek nating,+

Na ol man i gat namba, em i save rausim ol long wok bos bilong ol;+

20 Em i save pasim maus bilong ol edvisa em ol man i save trastim

Na em i save rausim gutpela tingting bilong ol lapun man;

21 Em i kapsaitim tok bilas antap long ol bikman,+

Na ol man i gat namba em i save pinisim strong bilong ol;*

22 Em i save kamapim long ples klia ol samting i stap long tudak,+

Na em i save mekim lait i kamap long ples i tudak tru;

23 Em i save mekim ol kantri i kamap strongpela kantri bai em i ken bagarapim ol;

Em i save mekim ol kantri i kamap bikpela bai em i ken bringim ol i go kalabus long arapela kantri.

24 Em i save rausim save* bilong ol lida bilong ol manmeri

Na mekim ol i wokabaut nabaut long ples nating i no gat rot.+

25 Ol i olsem man i stap long ples tudak na i pilim pilim nabaut bilong painim rot;+

Na em i save mekim ol i wokabaut nabaut olsem ol spakman.+

13 “Tru tumas, ai bilong mi i lukim pinis olgeta dispela samting,

Na yau bilong mi i harim na mi kliagut long en.

 2 Samting yupela i save long en, mi tu i save long en;

Yupela i no winim mi liklik long wanpela samting.

 3 Olsem na mi no laik toktok moa wantaim yupela, mi laik toktok wantaim God i Gat Olgeta Strong;

Mi laik kamapim klia long God olsem mi no gat asua.+

 4 Tasol yupela i mekim planti tok giaman i bagarapim gutnem bilong mi;

Yupela olgeta i olsem ol dokta i no gat save bilong stretim sik bilong man.+

 5 Olsem na i gutpela moa yupela i pasim maus,

Dispela bai soim olsem yupela i gat savetingting.+

 6 Mi laik bai yupela i harim gut tok bilong mi,

Na putim gut yau long ol tok mi autim bilong strongim sait bilong mi.

10 Sapos long pasin hait yupela i mekim wansait pasin,+

Tru tumas, God bai krosim yupela.

11 Bikpela namba bilong em bai i pretim yupela

Na yupela i pret nogut tru long em.

12 Ol savetok bilong yupela i samting nating olsem sit bilong paia;

Ol tok bilong strongim sait bilong yupela i no gat strong bilong en, ol i olsem graun malumalum.

14 Mi redi long bagarap i ken painim mi,*

Na mi redi long lusim laip bilong mi.

15 Bai mi wet long em, maski sapos em bai kilim mi i dai;+

Mi bai tokaut* long ai bilong em olsem mi no gat asua.

16 Na em bai kisim bek mi,+

Long wanem, man i no tingim God* i no inap i go long ai bilong em.+

17 Mi laik bai yupela i harim gut tok bilong mi;

Na putim gut yau long tok mi laik autim.

18 Harim, mi redim pinis ol tok mi bai mekim bilong kamapim long kot;

Mi save mi no gat asua.

20 God, mi laik askim yu long mekim 2-pela samting long mi,*

Na bai mi no hait long yu.

21 Rausim hevipela han bilong yu i go longwe long mi,

Na no ken larim pasin bilong mi long pret long yu i pretim mi moa yet.+

22 Yu toktok pastaim, na mi bai bekim tok bilong yu,

O yu larim mi toktok long yu pastaim, na yu ken bekim tok bilong mi.

24 Bilong wanem yu haitim pes bilong yu long mi+

Na lukim mi olsem birua bilong yu?+

25 Mi olsem wanpela lip nating em win i karim i go

Mi olsem pipia bilong gras i drai, olsem na wai na yu pretim mi na ranim mi?

26 Yu tingting yet long ol tok ol i sutim long mi,

Na yu mekim save long mi long ol sin mi bin mekim long taim mi yangpela.

27 Yu pasim lek bilong mi long hap plang,

Na yu lukluk gut long olgeta hap mi go long en

Na yu bihainim gut ol lek mak bilong mi.

28 Ol man* i save bagarap olsem ol samting i save bagarap na sting,

Na olsem klos em ol binatang i bin kaikai.

14 “Stat long taim mama i karim man,

Em i save stap sotpela taim tasol+ na laip bilong em i pulap long kain kain hevi.*+

 2 Man i olsem ol plaua i kamap na bihain ol i drai pinis;*+

Em i olsem sedo i kamap na i pinis kwiktaim.+

 3 Yu save putim ai long em,

Na yu bringim em* i go long kot bai yu ken kotim em.+

 5 Laip bilong em i gat mak bilong en,

Na namba bilong hamas mun em i ken i stap laip, i stap long han bilong yu;

Yu bin putim mak bilong hamas yia em i ken i stap laip na em i no inap skruim hap taim moa long laip bilong em.+

 6 Yu tanim na no ken lukluk long em na bai em i ken malolo,

I go inap olsem man ol i haiarim i save malolo taim wok bilong em i pinis long apinun.+

Sapos ol i katim, em inap putim nupela kru gen,

Na ol nupela han bilong en bai i wok long gro.

 8 Maski ol rop bilong en insait long graun i olpela pinis

Na as bilong en insait long graun i drai,

 9 Sapos ol i putim liklik wara long en, orait nupela kru bai i kamap;

Na em bai putim ol han olsem nupela diwai.

10 Tasol taim wanpela man i dai, em i no inap mekim wanpela samting;

Taim man i dai, em i no stap moa.*+

11 Wara i save lusim solwara na i pinis,

Na wara i save ron i go na i save drai olgeta.

Inap long skai i pinis, bai ol i slip i stap,

Na i no gat wanpela samting inap kirapim ol long slip.+

13 I gutpela sapos yu haitim mi long Matmat,*+

Yu haitim mi inap belhat bilong yu i pinis,

Na yu ken makim wanpela taim bilong tingim mi gen!+

Mi bai wet i stap inap long haptaim mi mas wet long en i pinis*

Na mi bai lusim dispela ples.+

16 Tasol nau, yu wok long kaunim olgeta wokabaut bilong mi;

Yu wok long lukluk tasol long ol sin bilong mi.

17 Yu putim ol rong bilong mi insait long beg na pasim,

Na yu pasim long glu bai ol rong bilong mi i stap insait.

18 Maunten i save bruk na pundaun na kamap graun nating

Na bikpela ston i save surik na lusim ples em i bin stap long en,

19 Strong bilong wara i save mekim ol ston i go liklik

Na i save rausim graun i go,

Olsem tasol, yu mekim na ol samting em man i bilip na wet long en i no kamap gut.

20 Yu wok long daunim em i go inap long em i pinis;+

Yu senisim lukluk bilong em na yu salim em i go.

21 Ol i givim biknem long ol pikinini man bilong em, tasol em i no inap save long dispela;

Ol i kamap samting nating, tasol em i no inap save long dispela.+

22 Em i save pilim tasol pen taim em i stap laip;

Na em i save krai sori tasol taim em i stap laip.”

15 Orait Elifas+ em man bilong ples Teman i bekim tok olsem:

 2 “Olsem wanem? Man i gat savetingting bai mekim ol tok pait i no gat as bilong en?

 4 Yu mekim olsem pasin bilong pret long God i no bikpela samting,

Na yu mekim pasin bilong tingim God i olsem samting nating.

 5 Yu bin mekim rong, olsem na yu mekim kain tok olsem,*

Na ol tok bilong yu i smat tru bilong trikim man.

 6 Maus bilong yu yet i kotim yu, na i no mi kotim yu;

Tok* bilong yu yet i kotim yu long sin yu mekim.+

10 Ol lapun i gat waitpela gras ol i stap namel long yumi,+

Na krismas bilong ol i winim tru krismas bilong papa bilong yu.

12 Wai na yu larim tingting bilong yu i stiaim yu,

Na wai na ai bilong yu i soim olsem yu belhat?

13 Yu belhat long God,

Olsem na yu mekim ol kain tok olsem.

14 I no gat wanpela man i klin long ai bilong God,

Na i no gat wanpela man o meri i stretpela.+

15 Harim! God i no save trastim ol ensel* bilong em,

Na ol samting bilong heven tu i no klin long ai bilong em.+

18 Tok ol man i gat savetingting i bin autim,

Ol i bin kisim long ol papa bilong ol na ol i no haitim wanpela tok.+

19 Na dispela graun i bilong ol,

Na i no gat wanpela man em ol i no save long em i kam i stap wantaim ol na paulim tingting bilong ol.

20 Man nogut i save karim pen long laip olgeta bilong em,

Na em i save karim hevi long laip olgeta bilong em.

21 Em i save harim kain kain nois i mekim em i pret;+

Long taim em i stap gut, ol stilman i kam na stilim ol samting bilong em.

22 Em i save pinis olsem bagarap bai painim em;+

Na ol bai i kilim em i dai long bainat.

24 Em i tingting planti na i pilim nogut tru, na dispela i mekim em i pret;

Na ol dispela samting i daunim em olsem king i redi long daunim birua bilong em.

25 Em i apim han bilong em bilong birua long God,

Na em i traim long bikhet long* God i Gat Olgeta Strong;

26 Em i het strong na em i ran i go pait long God,

Na em i karim strongpela hap plang bilong pait;

27 Pes bilong em i patpela,*

Na em i gat bikpela bel;

28 Em i sindaun long ol taun we ol bai i bagarap,

Na long ol haus i no gat man bai i stap long en,

Na ol dispela haus bai bruk na i kamap hip pipia ston.

29 Em bai i no kamap maniman, na ol mani kago bilong em bai i no inap kamap planti,

Na ol mani kago bilong em bai i no gro i go bikpela long olgeta hap.

30 Em i no inap abrusim bagarap;

Em bai olsem wanpela diwai em paia i kukim ol han bilong en na i drai,*

Na God* bai winim win bilong em na pinisim em.+

31 Em i no ken giamanim em yet na bilip long ol samting i no inap helpim em,

Long wanem, em i no inap kisim wanpela gutpela samting;

32 Em bai kisim ol dispela hevi long taim em i stap laip yet,

Na em bai i olsem diwai em ol han bilong en i no save gro.+

33 Em i olsem rop wain em ol greip bilong en i no mau yet na i pundaun,

Na em i olsem diwai oliv em ol plaua bilong en i pundaun.

34 Lain bilong ol man i no tingim God,* ol bai i stap nating,+

Na paia bai kukim haus bilong ol man i insait long pasin bilong kisim braib.

35 Kain kain pasin bilong trik na giaman i save kamap insait long bel bilong ol na bihain ol i save mekim pasin nogut,

Tingting bilong ol i pulap long kain kain pasin bilong giaman.”

 4 Sapos yupela i karim hevi olsem mi,

Orait yupela i ting mi inap mekim wankain tok olsem yupela i bin mekim long mi, a?

 6 Tasol maski sapos mi toktok, dispela i no inap pinisim pen mi karim,+

Na sapos mi pasim maus na mi no toktok, dispela tu i no inap daunim pen mi karim.

 7 Tasol nau God i pinisim strong bilong mi,+

Em i bagarapim olgeta lain bilong mi.*

 8 Em i holim mi strong na ol arapela i lukim dispela,

Mi kamap bun nating, na ol man i lukim mi na ol i ting mi bin mekim rong.

10 Ol i opim maus bilong ol i go bikpela bilong bagarapim mi,+

Na ol i tok bilas na paitim wasket bilong mi;

Ol i planti tru na ol i bung raunim mi bilong mekim nogut long mi.+

11 God i larim ol yangpela man i mekim nogut long mi,

Na em i tromoi mi i go long han bilong ol man nogut.+

13 Ol soldia bilong em i save sut long banara, ol i sanap raunim mi,+

Em i sutim kidni bilong mi+ na em i no sori liklik long mi,

Em i kapsaitim wara i stap long galbleda* bilong mi long graun.

15 Mi samapim laplap bilong sori bilong karamapim skin bilong mi,+

Mi pilim nogut tru na mi no gat biknem moa,* olsem na mi sindaun long das.+

16 Mi krai moa yet olsem na pes bilong mi i ret,+

Na ai bilong mi i kamap tudak.

17 Mi no bin mekim nogut long ol arapela,

Na bel bilong mi i gutpela taim mi beten.

20 Ol pren bilong mi i tok bilas long mi+

Na mi kapsaitim planti aiwara* long God.+

21 Mi laik bai wanpela man i stap namel long mi na God na skelim mitupela,

Olsem man i save skelim tok namel long tupela man.+

22 Mi gat sotpela taim tasol bilong i stap laip,

Na mi bai wokabaut long rot we mi no inap kam bek.+

 2 Ol man bilong tok bilas i sanap raunim mi,+

Na mi save lukim* pasin bikhet bilong ol.

 5 Sapos wanpela man i givim ol samting bilong em long ol pren bilong em,

Orait ai bilong ol pikinini bilong em bai i go insait bikos ol i hangre.

 6 God i mekim mi i stap samting ol manmeri i ken tok bilas long en,+

Na ol i spetim pes bilong mi.+

 7 Ai bilong mi i no lait tumas, long wanem, mi bel hevi tru,+

Na bodi bilong mi olgeta i kamap bun nating.

 8 Ol stretpela man i lukim ol dispela samting na ol i kirap nogut,

Na ol man i no gat asua i no amamas long ol man i no tingim God.*

 9 Stretpela man bai wok yet long bihainim stretpela pasin,+

Na man i no gat asua bai i kamap strong moa.+

10 Orait yupela olgeta i ken kirapim gen ol tok pait bilong yupela,

Tasol i kam inap long nau, i no gat wanpela bilong yupela i kamapim ol tok i gat savetingting.+

12 Ol pren bilong mi i mekim ol tok giaman na ol i no mekim tok tru,*

Ol i tok, ‘Klostu tulait i laik kamap,’ tasol mi lukim tudak tasol.

 4 Na maski sapos belhat bilong yu i bagarapim yu,

Yu ting ol manmeri long graun bai pinis na graun i stap nating, a?

 5 Ol bai i mekim i dai lait bilong man nogut,

Na paia bilong em bai i no lait moa.+

 6 Isi isi lait insait long haus sel bilong em bai i no lait strong moa,

Na lam bilong em bai i dai.

 7 Em i wokabaut isi isi i go,

Na toktok bilong em yet bai i mekim em i pundaun.+

 8 Em bai wokabaut i go insait long umben,

Na umben bai i holimpasim lek bilong em.

 9 Trap bai holimpasim lek bilong em,

Wanpela umben bai i holimpasim em.+

10 Rop ol i taitim bilong kalabusim em i hait i stap long graun,

Na trap i stap long rot bilong em.

11 Ol samting bilong mekim em i pret i stap long olgeta hap+

Na i ronim em i go klostu tru long lek bilong em.

12 Strong bilong em i pinis,

Na taim nogut+ i mekim na klostu em i pundaun.*

16 Man nogut bai pinis olgeta olsem diwai em ol rop bilong en i dai,

Na olsem diwai em ol han bilong en i drai.

17 Ol manmeri long graun bai lusim tingting long em,

Na i no gat wanpela bai tingim nem bilong em.*

18 Ol bai i rausim em long lait i go long tudak

Na ol bai rausim em long dispela graun.

19 Bai i no gat pikinini bilong em na lain tumbuna pikinini bilong em i stap,

Olgeta lain bilong em bai pinis, na i no gat wanpela bai i stap long ples em i stap long en.*

20 Taim nogut i painim em, na ol manmeri bilong hap wes bai kirap nogut,

Na ol manmeri bilong hap is bai pret nogut tru.

21 Kain samting olsem i save kamap long man i mekim rong

Na kain samting olsem i save kamap long man i no save long God.”

 3 Tenpela taim nau yupela i rabisim* mi;

Na yupela i no sem liklik long daunim mi.+

 4 Na sapos i tru mi bin mekim rong,

Orait dispela em samting bilong mi yet.

 5 Sapos yupela i ting yupela i winim mi,

Na yupela i tokaut olsem ol tok yupela i sutim long mi em i stret,

 6 Orait, mi laik bai yupela i save olsem God i no bin mekim pasin fea long mi,

Na em i holimpas mi long umben bilong em.

 7 Lukim! Mi singaut na krai olsem, ‘Ol i mekim nogut long mi!’ tasol i no gat wanpela i bekim singaut bilong mi;+

Mi krai long wanpela i helpim mi, tasol i no gat wanpela i mekim stretpela pasin long mi.+

 9 Em i bagarapim gutnem bilong mi

Na em i rausim biknem bilong mi.*

11 Em i belhat nogut tru long mi,

Na em i lukim mi olsem birua bilong em.+

12 Ol soldia bilong em i bung wantaim na i kam banisim mi,

Na ol i wokim kem raunim haus sel bilong mi.

13 Em i mekim ol brata bilong mi i lusim mi na i stap longwe long mi,

Na ol man i save long mi i givim baksait long mi.+

14 Ol wanblut* bilong mi i lusim mi na i go pinis,

Na ol man mi save gut long ol, ol tu i lusim tingting long mi.+

16 Mi singautim wokman bilong mi;

Tasol em i no bekim singaut bilong mi, maski mi askim em long sori long mi.

17 Maus bilong mi i smel nogut tru, olsem na meri bilong mi i no laik tru long mi,+

Na ol brata bilong mi i lukim mi olsem samting i sting nogut tru.

19 Olgeta gutpela pren bilong mi, i no laik tru long mi,+

Na ol man mi laikim tumas i givim baksait long mi.+

21 Ol pren bilong mi, plis yupela i mas sori na marimari long mi,

Long wanem, God i paitim mi long han bilong em.+

23 Mi bai amamas sapos ol i raitim olgeta tok bilong mi,

Na mi bai laikim tumas sapos ol i raitim ol tok bilong mi long wanpela buk!

24 Mi laikim tumas bai ol i katim ol tok bilong mi long wanpela bikpela ston, bai em i ken i stap oltaim,

Na ol i ken yusim ain pen* na led* long raitim ol dispela tok!

26 Skin bilong mi i bagarap pinis,

Tasol taim mi stap laip yet, mi bai lukim God,

27 Mi yet bai lukim em,

Ai bilong mi yet bai lukim em, i no ol arapela bai lukim em.+

29 Yupela i mas lukaut long bainat,+

Long wanem, bainat bai mekim save long ol man i mekim rong.

 2 “Bel bilong mi i no stap isi olsem na mi laik bekim tok bilong yu

Long wanem, mi tingting planti na mi laik toktok.

 3 Mi harim tok yu mekim bilong stretim mi na dispela i bagarapim bel bilong mi,

Na bel bilong mi i kirapim mi long bekim tok bilong yu.

 4 Yu save pinis olsem,

Stat long bipo tru taim God i bin putim ol man* long graun na i kam inap long nau,+

 5 Ol man nogut i save amamas inap liklik taim tasol

Na man i no tingim God,* ol i save belgut inap sotpela taim tasol.+

 6 Maski biknem bilong em i go antap inap long heven

Na namba bilong em i go antap tru inap long mak bilong ol klaut,

 7 Em bai bagarap na pinis olgeta olsem pekpek bilong em yet;

Na ol man i save lukim em bipo, bai ol i tok olsem, ‘Em i stap we?’

 8 Em bai flai i go na pinis olsem driman i save pinis, na ol bai i no inap lukim em gen;

Em bai pinis olgeta olsem driman i save kamap long nait na i go pinis.

 9 Ai i lukim em, bai i no inap lukim em gen,

Na ples bilong em bai i no lukim em moa.+

10 Ol pikinini bilong em bai askim ol rabisman long mekim gut long ol,

Na long han bilong em yet, em bai givim mani kago em i bin kisim long ol arapela i go bek.+

11 Em* i gat strong olsem taim em i stap yangpela,

Tasol taim em i dai em* bai pinis tu wantaim em.

12 Em i laikim tumas long mekim pasin nogut, olsem man i laikim switpela kaikai,

Na em i save larim i stap aninit long tang bilong em bai em i ken melt.

13 Em i larim i stap long maus

Na bai swit bilong kaikai i no ken pinis kwik.

17 Em bai i no inap lukim hani na bata i pulap kapsait

Olsem wara i save ron.

19 Em i mekim nogut long ol rabisman na i no tingim ol moa,

Na em i kisim haus bilong narapela man we em yet i no bin wokim.

20 Tasol bel bilong em bai i no stap isi,

Na mani kago bilong em i no inap helpim em long ranawe.

23 Em i wok long kisim planti samting,

Na God* i belhat moa yet long em na God bai mekim save long em,

Na ol kain kain hevi bai painim em olsem ren i pundaun.

24 Em i ranawe long ol samting bilong pait em ol i wokim long ain,

Na ol spia bilong banara ol i wokim long kopa bai i sutim em.

25 Em i rausim wanpela spia i sutim em na i kamaut long baksait bilong em,

Em wanpela spia i lait tru i sutim galbleda* bilong em,

Na em i pret nogut tru.+

26 Olgeta mani kago bilong em bai i pinis;

Na paia we i no gat man i bin laitim na winim, bai i kukim em;

Man i stap yet long haus sel bilong dispela man, bagarap bai painim em.

29 God i givim ol dispela samting long man nogut olsem pe bilong em,

Em ol samting God i tok pinis long givim em.”

 2 “Mi laik bai yupela i putim gut yau long tok mi laik mekim,

Na sapos yupela i mekim olsem, orait yupela bai mekim bel bilong mi i stap isi.

 6 Taim mi tingting long ol samting i bin painim mi, bel bilong mi i no stap isi,

Na bodi bilong mi i guria.

 7 Wai na ol man nogut i save stap laip longpela taim,+

Na ol i gat planti mani kago* na ol i save stap inap long ol i kamap lapun?+

 8 Ol pikinini bilong ol i save stap wantaim ol,

Na ol i stap na lukim tu ol tumbuna pikinini bilong ol i kamap.

 9 Ol haus bilong ol i stap gut na ol i no pret long wanpela samting,+

Na God i no mekim save long ol.

10 Ol bulmakau man bilong ol i save givim bel long ol bulmakau meri,

Na ol bulmakau meri i save karim pikinini na pikinini i no lus long bel.

11 Ol liklik pikinini bilong ol i pilai ausait wankain olsem lain sipsip na meme samting i stap ausait,

Na ol pikinini bilong ol i ron ron na pilai nabaut.

12 Ol i paitim tambarin na harp* na singsing

Na ol i amamas long harim krai bilong flut.*+

13 Ol i gat gutpela sindaun

Na ol i stap gut i go inap* ol i go long Matmat.*

18 Ol i no save kamap olsem ol drai bun bilong wit samting em win i save karim i go

Na olsem pipia bilong wit samting em strongpela win i save rausim i go.

20 Man yet i mas lukim bagarap i painim em,

Na em i ken dring long kap bilong belhat bilong God i Gat Olgeta Strong.+

21 Sapos taim bilong em long stap laip i pinis,+

Em i no inap wari moa long wanem samting i kamap long famili bilong em taim em i no stap moa.

22 God tasol i save skelim pasin bilong ol manmeri na ol man i gat bikpela namba tu,+

Olsem na husat inap skulim God?*+

23 Wanpela man i dai taim em i gat strong yet+

Na sindaun bilong em i gutpela na i no gat hevi,+

24 Na ol tais long lek bilong em i bikpela

Na ol bun bilong em i gat strong.

25 Na narapela man i karim hevi wantaim na i dai,

Na em i no bin i gat gutpela sindaun.

26 Tasol tupela wantaim bai go bek long graun,+

Na ol liklik snek bai pulap long bodi bilong ol.+

27 Harim! Mi save pinis long tingting bilong yupela

Na ol samting yupela i tingting long mekim bilong daunim mi.*+

30 Taim bagarap i kamap, man nogut i no save kisim bagarap

Em i save abrusim bagarap long taim bilong hevi.

32 Taim ol i karim bodi bilong em i go long matmat,

Ol bai putim ol man bilong was long matmat bilong em.

33 Em i pilim olsem graun bilong veli* i gutpela long skin bilong em,+

Na olgeta manmeri bai bihainim em*+

Wankain olsem planti tausen manmeri i bin i stap paslain long em.

22 Elifas+ em man bilong ples Teman i bekim tok olsem:

 2 “Yu ting ol man inap mekim ol samting bilong helpim God?

 4 Sapos yu save aninit long em, yu ting em bai mekim save long yu

Na kotim yu? Nogat tru.

 5 Yu bin mekim kain kain pasin nogut

Na ol sin bilong yu i planti tru, olsem na God i kotim yu.+

 6 Yu no bihainim pasin i stret na kisim wanpela samting bilong ol wantok olsem mak bilong ol i mas bekim dinau ol i bin kisim long yu,

Na yu kisim ol klos bilong ol manmeri, na ol i stap skin nating.+

 7 Na yu no bin givim wara long man em nek bilong em i drai,

Na yu no bin givim kaikai long man i hangre.+

 8 Ol man i gat biknem wankain olsem yu, ol i kisim bikpela hap graun,+

Na ol kain man olsem i gat namba, ol tasol i save sindaun long dispela hap graun.

 9 Taim ol wido meri i kam askim yu long helpim ol, yu no bin helpim ol,

Na yu mekim nogut long ol pikinini i no gat papa.*

10 Olsem na nau ol trap* i banisim yu,+

Na ol samting nogut i kamap wantu tasol na i mekim yu i pret.

11 I olsem bikpela tudak i karamapim yu na yu no inap lukim wanpela samting,

Na i olsem wara i tait na i karamapim yu.

14 Em i wokabaut raun long heven

Na ol klaut i pasim em na em i no inap lukim gut ol man.’

15 Tasol Jop, olsem wanem? Ating yu laik wokabaut long rot bilong bipo

Em ol man bilong mekim pasin nogut i bin bihainim?

16 Ol i dai wantu tasol long taim ol i yangpela yet,

Ol i olsem haus em wara i tait* i karim i go.+

19 Ol stretpela man bai lukim dispela samting i painim ol man nogut na bai ol i amamas,

Na ol man i no gat asua bai tok bilas long ol olsem:

20 ‘Gutpela tru, ol birua bilong yumi i bagarap pinis,

Na paia bai kukim ol olgeta na pinisim ol tru.’

22 Yu mas bihainim ol lo em i givim long rot bilong maus bilong em,

Na putim ol tok bilong em long bel bilong yu.+

Na sapos yu rausim pasin i no stret long haus sel bilong yu,

24 Na sapos yu tromoi gol bilong yu i go insait long das

Na gol bilong Ofir+ long ples ston long veli,*

25 Orait God i Gat Olgeta Strong bai i kamap dia tumas long yu olsem gol i dia tumas,

Na em bai i kamap dia tumas long yu olsem gutpela silva.

26 Sapos yu mekim olsem, orait bai yu amamas moa yet, long wanem, yu pas gut wantaim God i Gat Olgeta Strong,

Na yu bai i go klostu long God na yu no pret.

28 Na ol samting yu tingting long mekim bai kamap gutpela,

Na rot yu wokabaut long en bai i gat lait.

29 Sapos yu litimapim yu yet, orait em bai daunim yu,

Tasol man i save daunim em yet,* em bai kisim bek em.

 3 Sori tumas, sapos mi save long ples God i save stap long en,+

Mi bai go stret long ples bilong em!+

 4 Na mi bai bringim kot bilong mi i go long ai bilong em

Na mi bai mekim planti toktok bilong helpim kot bilong mi;

 5 Na mi bai putim yau long tok em bai bekim long mi,

Na mi bai tingim tok em i mekim long mi.

 7 Stretpela man inap bringim kot bilong em i go long ai bilong em na stretim,

Na Jas bilong mi bai harim tok bilong mi, na tokaut olsem mi no gat asua long wanpela samting.

 8 Mi go painim em long hap is, tasol em i no stap,

Na mi go painim em long hap wes, tasol mi no lukim em.

 9 Em i save mekim wok long hap not, tasol mi no lukim em,

Na em* i tanim i go long hap saut, tasol mi no lukim em tu.

11 Oltaim mi save bihainim gut lek mak bilong em,

Mi no bin lusim rot bilong em na bihainim narapela rot.+

15 Olsem na bel bilong mi i no stap isi,

Mi tingim ol pasin bilong em na dispela i mekim mi i pret moa yet.

16 God i pinisim strong bilong mi,

Na God i Gat Olgeta Strong i mekim mi i pret nogut tru.

17 Tasol bikpela tudak i no pasim mi long toktok,

Maski em i karamapim pes bilong mi.

 3 Ol i save kisim ol donki bilong ol pikinini i no gat papa

Na ol i save kisim bulmakau man bilong wido meri bai dispela i stap olsem mak bilong em i ken bekim dinau bilong em.+

 5 Ol rabisman i wok long painim kaikai long ples nating olsem ol wel donki;+

Ol i wok long painim kaikai long ples nating bilong givim long ol pikinini bilong ol.

 6 Ol i save kisim kaikai long gaden bilong ol arapela man*

Na taim ol wokman i kisim pinis ol greip long gaden wain bilong ol man nogut, ol rabisman i save raun na kisim ol wan wan greip i stap yet.

 8 Ol i stap long ples maunten, na ren i kam daun na wasim ol,

Ol i no gat ples bilong hait long ren, olsem na ol i go hait long ol bikpela ston.

 9 Ol man nogut i save go long ol meri, man bilong ol i dai pinis, na pulim pikinini bilong ol i stap yet long susu;+

Na ol i save kisim klos bilong ol rabisman na holim i stap olsem mak bai ol rabisman i ken bekim dinau bilong ol.+

10 Dispela i mekim na ol rabisman i stap skin nating,* na i no gat klos bilong karamapim skin bilong ol,

Na ol i hangre wantaim na karim ol bandel wit samting long gaden bilong ol arapela.

11 Ol i save wok hat stret namel long banis ston i stap arere long ol liklik maunten long taim we san i hat nogut tru,*

Ol i save krungutim ol greip long ol tang ston bilong krungutim ol greip, tasol ol yet i nek drai.+

Ol man i kisim bikpela bagarap tru, ol i krai na singaut long wanpela i helpim ol,+

Tasol God i no wari long ol dispela samting i painim ol.*

13 Sampela man i no laikim lait;+

Ol i no luksave long rot bilong en,

Na ol i no bihainim rot bilong en.

Em i save go na kilim i dai ol man i no gat strong na ol rabisman,+

Na long nait em i save go na stilim ol samting.

15 Man i save mekim pasin adaltri,* em i save lukluk na wet inap long apinun tru,+

Em i save tok, ‘No gat man bai luksave long mi!’+

19 Long taim bilong san, san i save hat nogut tru na i save mekim sno i melt na i pinis olgeta,

Olsem tasol, Matmat* i save kisim ol man i mekim sin na ol i pinis olgeta!+

23 God* i save larim ol i sindaun gut na ol i no gat hevi,+

Tasol oltaim em i save lukim olgeta samting ol i mekim.*+

Biknem bilong ol bai pinis+ na ol bai dai olsem ol arapela manmeri i save dai;

25 Sapos tok bilong mi i no tru, orait husat inap kamapim ples klia olsem mi tok giaman?

25 Orait Bildat+ bilong lain Suha, i bekim tok olsem:

 2 “God i bosim olgeta samting na olgeta samting i save pret long em.

 6 Olsem na tru tumas, ol man i samting nating tasol

Ol i olsem ol liklik snek long ai bilong em!”

26 Na Jop i bekim tok olsem:

 2 “Olaman, ating yu hapman tru bilong helpim man i no gat strong.

 5 Ol man i dai pinis i stap daunbilo tru winim solwara na ol samting i stap insait long en,

Ol man i dai, ol i no gat strong, ol i save pret na guria moa yet.

 6 Ol man i stap long Matmat,* ol i no hait long ai bilong God,*+

Ol samting i stap long ples bilong bagarap* i stap ples klia long ai bilong God.

 7 God i bin pulim na opim skai i go bikpela olsem laplap long spes nating+

Na em i mekim dispela graun i hangamap nating.

 8 Em i putim wara long ol klaut bilong em na pasim wara i stap,+

Dispela wara i hevi tumas, tasol hevi bilong wara i no save brukim ol klaut.

 9 Em i mekim klaut i kam na haitim sia king bilong em,

Em i karamapim sia king bilong em long ol klaut.+

12 Long bikpela strong bilong em, em i save mekim biksi i kirap,+

Na long save bilong em yet, em i daunim traipela animal bilong solwara.*+

27 Orait Jop i skruim tok moa olsem:

 2 “Mi tok tru antap long God i stap laip, em i no harim na skelim stret kot bilong mi,+

Na mi tok tru antap long God i Gat Olgeta Strong i stap laip, em i mekim na mi gat kros long em.+

 3 Taim mi pulim win i stap yet

Na strong bilong laip em God i givim mi i stap yet long mi,+

 4 Maus bilong mi bai autim stretpela tok tasol,

Na maus bilong mi bai i no inap mekim wanpela tok giaman!

 6 Na mi tok strong olsem mi man bilong bihainim stretpela pasin na mi bai wok yet long mekim olsem,+

Na bel bilong mi bai i no inap kotim* mi long laip olgeta bilong mi.

 7 Mi laik bai samting i painim ol birua bilong mi i wankain olsem samting i painim ol man nogut,

Na ol man i mekim nogut long mi, ol i ken kisim hevi wankain olsem ol man bilong mekim pasin nogut.

 8 Man i no tingim God* bai kisim wanem gutpela samting taim God i bagarapim em,+

Na long taim God i pinisim laip bilong em?

 9 Taim hevi i painim em,

Na em i singaut long God i helpim em, ating God bai harim singaut bilong em, a? Nogat tru.+

10 Ating kain man olsem bai amamas long God i Gat Olgeta Strong,

Na beten long God long olgeta de, a? Nogat tru.

11 Mi bai skulim yupela long strong* bilong God,

Na mi bai tokim yupela long ol samting God i Gat Olgeta Strong i tingting long mekim na mi no inap haitim.

12 Harim! Yupela i tok yupela i bin lukim ol visen,

Orait wai na yupela i wok long mekim ol tok i kranki?

13 Ol samting God bai givim long man nogut,+

Na ol samting God i Gat Olgeta Strong bai givim long ol man i save mekim nogut long ol arapela man, i olsem,

14 Maski sapos em i gat planti pikinini man, ol man bai kilim ol i dai long bainat,+

Na ol lain tumbuna pikinini bilong em bai i sot long kaikai.

16 Maski sapos em i hipim silva olsem das

Na em i bungim gutpela klos olsem klei,

17 Tasol maski em i bungim ol dispela samting,

Stretpela man bai kisim ol dispela gutpela klos na werim,+

Na ol man i no gat asua bai kisim ol dispela silva na tilim namel long ol yet.

19 Em i gat planti samting taim em i slip, tasol ol dispela samting i no i stap moa;*

Taim em i opim ai bilong em, i no gat wanpela samting bai i stap.

22 Dispela win bai mekim save tru long em+

Na em bai traim long ranawe long dispela strongpela win.+

23 Win bai paitim han bilong en bilong tok bilas long em

Na win bai i stap long ples bilong en na wisil+ long em bilong tok bilas long em.*

28 “Ol man i save painim silva long ples bilong en,

Na ol i save painim gol na kukim bilong rausim pipia na mekim i kamap klin olgeta.+

 2 Ol man i save kisim ain insait long graun,

Na ol i save kukim ol ston bilong kisim kopa i stap long en.+

Em i go long ples we i tudak nogut tru,

Bilong painim gol na silva samting.

 6 Long dispela hap, ston sapaia i stap,

Na gol tu i stap insait long graun.

13 I no gat man i luksave olsem savetingting i bikpela samting tru,+

Na ol man i no inap painim savetingting long wanpela hap bilong graun.

15 Maski man i gat gutpela gol, em i no inap long baim savetingting;

Na maski man i skelim silva bilong baim, sori tumas, em bai no inap tru long baim savetingting.+

17 Savetingting i winim tru pe bilong gol na glas;

Na maski man i gat dis em ol i bin wokim long gutpela gol, em i no inap tru long baim savetingting.+

18 Savetingting i winim tru pe bilong naispela korol na ston kristal,+

Savetingting i winim tru pe bilong ol naispela pel.

21 Savetingting i stap hait na olgeta manmeri na ol animal i no inap lukim,+

Na ol pisin long skai tu i no inap lukim.

22 Ples bilong bagarap na dai, tupela i tok,

‘Mipela i bin harim tok win tasol long en.’

23 God wanpela tasol i save long ples em i stap long en;

Na em wanpela tasol i save long rot i go long en.+

24 Long wanem, em i save lukim olgeta hap bilong graun,

Na em i lukim olgeta samting i stap aninit long skai.+

25 Em i makim pinis strong* bilong win+

Na em i mesarim hamas wara bai i stap.+

26 Na God i makim tu ol lo bilong ren+

Na em i makim rot ol blakpela klaut i mas bihainim na taim bilong tanda i mas pairap.+

27 Orait em i lukim savetingting long ol samting em i wokim na em i stori long en;

Em i mekim savetingting i stap strong na em i traim strong bilong en na lukim olsem savetingting i gutpela samting.

28 Na em i tokim man olsem:

‘Harim! Man i save pret long Jehova, em i gat savetingting,+

29 Orait Jop i skruim tok moa olsem:

 2 “Mi laikim tumas bai mi stap gut olsem bipo,

Long dispela taim God i bin lukautim mi gut.

 3 Em i bin mekim lam bilong em i lait antap long het bilong mi,

Na taim mi wokabaut long rot i tudak, em i soim rot long mi.+

 4 Taim mi yangpela na i gat strong yet,

God i bin pas gut wantaim mi* olsem gutpela pren bilong mi.+

 5 Long dispela taim God i Gat Olgeta Strong i bin i stap yet wantaim mi,

Na ol pikinini* bilong mi i stap klostu long mi.

 6 Na sindaun bilong mi i bin gutpela na mi gat planti milk,

Na oil bilong oliv i pulap long ol tang ston bilong mi.+

 7 Long dispela taim, mi save go long geit bilong taun+

Na sindaun long sia bilong mi long ples bung,+

 8 Na taim ol yangpela mangi i lukim mi, ol i save surik i go na givim spes long mi.*

10 Ol bikman tu i save pasim maus;

Na tang bilong ol i pas long antap bilong insait long maus bilong ol.

11 Taim ol manmeri i bin harim toktok bilong mi, ol i bin litimapim nem bilong mi,

Na taim ol i lukim ol samting mi mekim, ol i save amamas long gutpela pasin mi mekim.

12 Long wanem, mi bin helpim ol rabisman i singaut long kisim helpim,+

Na mi bin helpim tu ol pikinini i no gat papa na ol manmeri we i no gat man bilong helpim ol.+

13 Na ol man em klostu dai i laik painim ol, ol bai tok long gutpela samting i ken painim mi,+

Na mi helpim ol wido na dispela i mekim ol i amamas.+

14 Mi werim stretpela pasin olsem klos bilong mi,

Na stretpela pasin bilong mi i olsem longpela saket* na laplap bilong raunim het.

15 Mi bin i stap olsem ai bilong ol aipas na soim rot long ol

Na mi bin i stap olsem lek bilong helpim ol lek nogut long wokabaut.

18 Mi save tok, ‘Mi bai stap long haus bilong mi yet i go inap long taim mi dai,+

Na ol de mi stap laip bai i planti tru olsem wesan bilong nambis.

20 Ol manmeri i save givim biknem long mi,

Na strong bilong mi i no inap pinis.’

21 Long taim mi bin toktok, ol man i laik tru long harim,

Na ol i bin pasim maus na putim gut yau long tok mi givim long ol.+

23 Ol i wet long mi olsem ol manmeri i wet long ren i mas pundaun,

Maus bilong ol i op i stap bilong kisim tok bilong mi, i olsem ol i wet i stap long ren i pundaun.+

24 Taim mi smail long ol, ol i bin kirap nogut long mi mekim olsem,

Na pes bilong mi i lait na dispela i strongim bel bilong ol.*

25 Mi bin i stap olsem hetman bilong ol na mi stiaim ol,

Na mi bin i stap olsem king i stap wantaim lain ami bilong em,+

Na mi bin strongim ol olsem man i strongim bel bilong ol manmeri i krai sori long man i dai pinis.+

30 “Nau ol man i yangpela moa long mi

Ol i lap long mi,+

Ol papa bilong ol kain man olsem, mi no inap larim ol

Long helpim ol dok i save lukautim ol sipsip bilong mi.

Na ol i kaikai graun i drai

We i bagarap na i no gat man i stap long en.

 6 Olsem na ol i save i go stap long ol veli,*

Na long ol hul insait long graun na insait long ol bikpela ston.

 7 Namel long bus ol i singaut

Na ol i bung na paspas namel long ol gras i gat nil.

 8 Ol i bin rausim* ol dispela man i go

Na ol i stap olsem ol pikinini man bilong ol man i no gat gutpela tingting na ol man i no gat nem.

11 God i bin daunim mi na pinisim olgeta strong bilong mi,*

Olsem na ol i no larim wanpela samting i pasim* ol long mekim nogut long mi.

12 Long rait sait bilong mi, ol i bung wantaim na i kam bilong pait long mi;

Ol i ranim mi i go na

Ol i pasim rot bilong mi na bai ol i ken bagarapim mi.

13 Ol i brukim rot bilong mi

Na ol i mekim hevi bilong mi i kamap bikpela moa,+

Na i no gat wanpela i stopim ol.*

Na biknem bilong mi i no stap moa olsem win i kam i go,

Na samting mi bilip na wet long en bilong helpim mi i pinis olsem klaut i go pinis.

16 Klostu nau mi bai dai,+

Long olgeta de bodi bilong mi i pilim pen+ tasol.

17 Long nait, olgeta bun bilong mi i save pen nogut tru;+

Na dispela pen i stap oltaim na i no save lusim mi.+

18 Em i pulim strong klos* bilong mi,*

Na klos i pasim nek bilong mi olsem kola bilong siot i pasim nek bilong mi.

19 God, yu tromoi mi i go daun long graun malumalum;

Na mi kamap samting nating olsem das na sit bilong paia.

23 Mi save olsem yu bai mekim mi i dai,

Na salim mi i go long haus we bihain olgeta manmeri bai i go long en.

24 Ating wanpela inap paitim wanpela man i bagarap olgeta,*+

Taim em i singaut long kisim helpim long taim hevi i painim em, a? Nogat tru.

29 Mi kamap olsem brata bilong ol jekol,*

Na mi stap olsem pren bilong ol pikinini meri bilong ostris.+

31 Ol i mekim wok long harp* bilong mi tasol bilong wokim musik bilong krai sori,

Na ol i mekim wok long flut* bilong mi tasol long taim ol man i krai.

 3 Bagarap bai painim ol man i save mekim rong,

Na taim nogut bai painim ol man i save mekim pasin nogut.+

 6 Sapos God i skelim stret ol pasin bilong mi,+

Orait em bai luksave olsem mi save stap gut long em.+

 7 Tasol sapos lek bilong mi i lusim rot i stret,+

O ai bilong mi i grisim bel bilong mi,+

O han bilong mi i kamap doti,

 8 Orait kaikai mi bin planim long gaden, ol man i ken kisim,+

Na ol i ken kamautim kaikai mi bin planim long gaden.*

 9 Sapos bel bilong mi i aigris long wanpela meri+

Na mi go wet+ long dua bilong haus bilong neiba bilong mi,

10 Orait meri bilong mi yet i ken wilwilim wit samting bilong narapela man,

Na ol arapela man i ken slip wantaim em.*+

11 Long wanem, pasin mi bin mekim, em pasin bikhet na i no sem,

Na ol jas inap kotim mi na mekim save long mi.+

12 Dispela kain sin i olsem hatpela paia bilong kukim man,+

Em bai kukim na pinisim tru olgeta samting bilong mi.

13 Bipo, sapos wanpela wokman o wokmeri bilong mi i gat tok long mi,

Na mi no putim yau long tok bilong em,

14 Orait taim God i kotim mi,* bai mi mekim wanem?

19 Olsem wanem? Taim mi lukim wanpela man i no gat klos na i bagarap long kol,

Na taim mi lukim wanpela man i stap rabis na i no gat klos bilong karamap;+

20 Ating mi no bin givim em klos em ol i bin wokim long gras bilong sipsip bilong mi,

Na bai dispela i ken hatim skin bilong em, na em i no bin tok tenkyu long mi, a?+

21 Olsem wanem? Ating mi bin lukim wanpela pikinini i no gat papa i stap long geit bilong taun+ i laik bai mi helpim em,*

Tasol mi makim han long em+ olsem mi bai mekim save long em?

22 Sapos mi bin mekim ol dispela pasin, orait mobeta tupela han bilong mi i ken kamaut long solda na pundaun,

Na ol i ken brukim tupela han bilong mi long elbo.

23 Mi pret long bagarap em God bai kamapim,

Na biknem bilong em i antap moa na mi no inap sanap long ai bilong em.

26 Olsem wanem? Taim mi lukim san* i lait moa yet

Na mun tu i gat gutpela lait taim em i muv i kam i go long skai,+

27 Ating mi bin larim bel bilong mi i bin grisim mi,

Na mi bin kis long han bilong mi bilong lotu long san na mun, a?+

28 Sapos mi bin mekim ol dispela pasin, orait i stret ol i kotim mi na mekim save long mi,

Long wanem, pasin mi mekim i makim olsem mi givim baksait long God tru.

30 I no gat wanpela taim mi bin larim maus bilong mi i mekim sin,

Na tok tru antap long em i ken lusim laip bilong em.+

31 Ol man i stap long haus sel bilong mi i save tok olsem,

‘Em i bin givim kaikai* long olgeta man na i no gat wanpela man i stap nating.’+

32 Ol man em mi no save long ol* husat i no gat ples bilong slip, mi no bin larim ol i slip ausait;+

Na mi opim dua bilong haus bilong mi long ol man i save raun.

34 Olsem wanem? Ating mi bin pret long bikpela lain manmeri bai ting olsem wanem long mi,

O ating mi pret tru long ol arapela famili bai rabisim mi,

Na dispela i mekim mi i stap isi tasol na mi pret long go ausait, a?

36 Na mi bai amamas long karim dispela pepa long solda bilong mi,

Na bai mi putim long het bilong mi olsem wanpela kraun.

37 Na mi bai go sanap long pes bilong em olsem wanpela prins i no gat asua,

Na mi bai tokaut long em long olgeta pasin mi bin mekim.

“Mi yangpela man

Na yupela i gat bikpela krismas moa.+

Olsem na mi rispek long yupela na mi pasim maus,+

Na mi pret long autim tingting bilong mi long yupela.

 7 Mi bin ting olsem, ‘Yupela ol man i gat bikpela krismas tasol i mas toktok,

Na yupela man i stap laip longpela taim, yupela i mas autim savetingting bilong yupela.’

 8 Tasol i no olsem, long wanem, God i save givim holi spirit long ol man,

Na win bilong God i Gat Olgeta Strong i save helpim ol man long kliagut long ol samting.+

 9 Maski man i gat bikpela krismas, dispela tasol i no makim olsem em i gat savetingting,

Na i no ol lapun tasol inap skelim wanem pasin i stret na wanem pasin i no stret.+

10 Olsem na mi tok, ‘Mi laik bai yupela i putim yau long tok bilong mi,

Na mi tu mi laik autim tingting bilong mi.’

Na mi bin putim gut yau long ol tingting yupela i kamapim+

Na yupela i bin wok strong long tingim olkain tok bilong autim.+

12 Mi bin putim gut yau long ol tok yupela i autim,

Tasol i no gat wanpela bilong yupela i kamapim olsem tok bilong Jop i no stret*

Na yupela i no bekim gut ol tok bilong em.

14 Jop i no bin toktok long mi,

Olsem na mi no inap bekim wankain tok olsem yupela i bin bekim long Jop.

19 Tok mi laik autim i pulap tru long bel bilong mi,

Olsem wain i pulap long nupela beg wain* na klostu beg wain i laik bruk.+

 3 Dispela tok mi laik autim long yu bai soim olsem mi man bilong bihainim pasin i stret,+

Na mi save autim stret tingting bilong mi.

 4 Spirit bilong God i bin wokim mi,+

Na God i Gat Olgeta Strong i bin putim win bilong em long mi na mi stap laip.+

 5 Goan Jop, sapos yu inap, mi laik bai yu bekim tok bilong mi;

Yu redi; na kamapim sait bilong yu.

 7 Olsem na yu no ken pret long mi,

Na mi no laik bai tok bilong mi i putim hevi long yu na daunim yu.

Yu wok long tok strong olsem,

 9 ‘Mi stap stret na mi no gat asua.+

11 Na em i pasim lek bilong mi long hap plang;

Na em i lukluk gut long olgeta hap mi go long en.’+

14 God i save givim tok bilong em planti taim,

Tasol ol man i no save putim yau long tok bilong em.

15 Em i mekim olsem long rot bilong driman, long visen long nait,+

Na long taim we ol manmeri i slip i dai

Taim ol i slip long ol bet bilong ol.

16 Na em i opim yau bilong ol+

Na ol tok em i givim long ol, em i save mekim ol dispela tok i stap strong long tingting bilong ol.

17 Na em i save helpim man long givim baksait long pasin nogut+

Na em i save helpim man long no ken mekim pasin antap.+

18 Na God i no larim em i lusim laip bilong em na i go long matmat,*+

Na ol i no kilim em i dai long bainat.*

19 Taim man i kisim tok bilong stretim em, dispela i save givim pen long em taim em i slip long bet

Na ol bun bilong em i save pen oltaim.

20 Na em* i no laik tru long kaikai,

Na maski ol i givim em gutpela kaikai tru, em i no inap kaikai.+

21 Skin bilong em i lus na em i kamap bun nating,

Na olgeta bun bilong em i kamap ples klia.

22 Klostu laip bilong em i laik lus na em i go long matmat,*

Na ol man inap mekim na em i lusim laip bilong em.

23 Tasol sapos i gat wanpela man i bringim tok* i kam long em,

Na i gat wanpela man namel long 1,000 man, em i kam na helpim em,

Na tokim em long bihainim stretpela pasin,

24 Orait God bai sori long em na i tok,

‘No ken larim em i go long matmat!*+

26 Em bai beten long God,+ na God bai orait long beten bilong em,

Na em bai lukim pes bilong God na em bai amamas tru,

Na God bai stretim bek ol samting na man bai kamap stretpela gen long ai bilong em.

27 Na dispela man bai tokaut* long ol man olsem,

‘Mi bin mekim sin+ na mi no bin mekim stretpela pasin,

Olsem na tru taim nogut inap painim mi, tasol dispela samting i no kamap.*

28 Em i kisim bek* mi na mi no go long matmat,*+

Na mi stap laip yet.’

29 Tru tumas, God i save mekim ol dispela pasin

Em i save mekim olsem planti taim bilong helpim wanpela man,

30 Na em bai i kisim bek em long matmat,*

Na bai em i amamas long i stap laip.+

 5 Jop i bin tok olsem, ‘Mi no gat asua long wanpela samting,+

Tasol God i no mekim stretpela kot long mi.+

 8 Em i save poromanim ol man bilong mekim sin

Na em i save bung wantaim ol man nogut.+

 9 Em i save mekim olsem, long wanem, em i bin tok olsem, ‘Sapos man i mekim olkain pasin God i laikim,+

Bai em i kisim wanem gutpela samting? Ating em i no inap kisim wanpela gutpela samting.’

God i no inap tru long mekim pasin nogut,+

God i Gat Olgeta Strong i no inap mekim pasin i no stret. Nogat tru!+

11 Em bai bekim pe i stret long pasin man i bin mekim+

Na wanem pasin man i mekim, em i save larim man yet i karim hevi long dispela pasin.

12 Tru tumas, God i no save mekim pasin nogut,+

God i Gat Olgeta Strong i no save paulim kot.+

14 Sapos em i birua long ol manmeri,

Na em i kisim bek win na strong bilong laip bilong ol manmeri,+

15 Orait ol manmeri bai pinis olgeta,

Na ol bai go bek gen long graun.+

16 Orait harim, sapos yu gat gutpela tingting, yu mas putim gut yau,

Na harim gut tok mi laik mekim.

19 God i no save mekim wansait pasin long ol bikman

Na maski man i gat planti mani kago o man i stap rabis,* em i save mekim wankain pasin long olgeta man,+

Long wanem, em i bin wokim olgeta manmeri.+

20 Ol manmeri inap i dai wantu+ tasol long biknait,+

Ol i guria nogut tru na ol i dai,

Ol bai rausim ol man i gat bikpela namba, tasol i no han bilong ol man bai mekim.+

21 God i save lukim olgeta pasin bilong ol man,+

Em i save lukim olgeta samting ol man i mekim.

22 I no gat wanpela ples i tudak nogut tru

Em ol man bilong mekim pasin nogut inap i go long en na hait.+

23 God i no makim taim bilong ol man,

Long i go sanap long ai bilong em bai em i ken skelim pasin bilong ol.

25 Em i save long olgeta pasin ol i save mekim;+

Olsem na long nait em i save daunim ol, na krungutim ol olgeta.+

27 Em i mekim olsem, long wanem, ol i givim baksait long em+

Na ol i no bihainim ol pasin em i laikim,+

28 Ol i mekim nogut long ol rabisman, na ol rabisman i singaut long God i helpim ol,

Na God i harim singaut bilong ol taranguman.+

30 Em i mekim olsem na bai man i no tingim God* i no ken kamap king,+

Na pulim ol manmeri long bihainim em.

31 Husat inap tokim God olsem,

‘Yu bin mekim save long mi, maski mi no bin mekim wanpela rong,+

32 Soim mi ol samting mi no kliagut long en.

34 Taim ol man i gat gutpela tingting*

Na ol man i gat savetingting i harim dispela tok bilong mi, ol bai tokim mi olsem,

35 ‘Jop i no kliagut long ol samting na i mekim planti toktok nating,+

Na tok bilong em i kranki olgeta.’

 2 “Olsem wanem? Yu bilip tru olsem yu stretpela man olsem na yu tok,

‘Pasin bilong mi i stret na i winim pasin bilong God’?+

 4 Orait mi laik bekim tok bilong yu

Na tok bilong ol pren bilong yu+ tu.

 5 Yu lukluk i go antap long skai,

Na lukim ol klaut,+ ol i stap antap tru.

 8 Sapos yu mekim pasin nogut, dispela bai bagarapim ol man tasol,

Na sapos yu mekim stretpela pasin, dispela tu bai helpim ol man tasol.

 9 Ol manmeri i save singaut long kisim helpim taim wanpela i mekim nogut long ol;

Ol man i gat bikpela namba i save bosim ol strong, olsem na ol i krai long kisim helpim.+

11 Em i save skulim yumi+ na yumi kisim planti save moa winim ol animal,+

Na em i givim save long yumi na save bilong yumi i winim tru save bilong ol pisin.

12 Ol manmeri i save singaut bilong kisim helpim, tasol em i no save bekim,+

Em i mekim olsem, long wanem, ol i man nogut na ol i man bilong hambak.+

13 Tru tumas, God i no inap harim singaut bilong ol man bilong giaman,+

God i Gat Olgeta Strong i no inap putim yau long singaut bilong ol.

15 Na harim, em i no belhat long yu na kotim yu long pasin yu mekim,

Na tu, em i no tingim ol tok kranki yu mekim.+

 6 Em i no inap larim ol man nogut i stap laip,+

Na em i save helpim ol man i karim hevi.+

 7 Em i no save rausim ai bilong em long ol stretpela man;+

Na em i save mekim ol i stap olsem king*+ na ol man i givim biknem long ol oltaim.

 8 Tasol sapos ol man i pasim ol long sen,

Na ol hevi olsem ol rop i pasim ol,

 9 Orait God bai tokim ol long samting ol i bin mekim,

Ol i bin mekim sin, long wanem, ol i gat pasin antap.

10 Em i opim yau bilong ol na bai ol i ken harim tok bilong stretim ol

Na em i save tokim ol long givim baksait long ol pasin nogut.+

11 Sapos ol i bihainim tok bilong em na lotuim em

Orait ol bai i gat gutpela sindaun

Na ol bai i stap amamas.+

12 Tasol sapos ol i no bihainim tok bilong em, orait ol man bai kilim ol i dai long bainat*+

Na ol bai i dai na ol i no inap kisim gutpela save.

14 Ol i dai taim ol i yangpela yet,+

Na laip bilong ol, ol i stap* namel long ol pamukman bilong tempel.+

15 Ol man i gat hevi, God* i save kisim bek ol long pen na hevi bilong ol;

Na em i save opim yau bilong ol taim ol man i mekim nogut long ol.

16 Em i kisim yu i go longwe long hevi+

Na bringim yu i go long wanpela bikpela spes we i no gat tambu,+

Na em bai putim gutpela kaikai long tebol bilong yu bilong mekim isi bel bilong yu.+

17 Na yu bai amamas olsem God bai mekim save long ol man nogut,+

Taim em i kotim ol.

18 Olsem na yu mas lukaut nogut yu larim belhat bilong yu i pulim yu long tok bilas,*+

Na nogut yu larim bikpela grismani i pulim yu long lusim stretpela rot.

19 Yu ting sapos yu singaut long kisim helpim

Na yu traim strong bilong yu yet, dispela inap pinisim ol hevi bilong yu, a?+

20 Na yu no ken laikim tumas bai tudak i kamap,

Em taim we ol manmeri i save go bek long hap ol i save stap long en.

21 Yu mas lukaut gut. Nogut yu laik mekim pasin nogut,

Na yu ting dispela i gutpela, na yu no laikim dispela pen na hevi nau i wok long kamap long yu.+

24 Litimapim nem bilong em long ol samting em i bin mekim,+

Em ol man i lukim ol dispela samting na singim ol song long en.+

25 Olgeta manmeri i bin lukim ol samting em i bin mekim,

Ol i stap longwe tasol na lukim ol dispela samting.

30 God i save mekim laitning*+ i sut i go nabaut long skai

Na em i karamapim as bilong solwara long wara.

32 Em i save holim laitning long han bilong em,

Na em i save sutim i go stret long samting em i makim.+

33 Tanda i save pairap, na dispela i soim olsem God i kam,

Na ol bulmakau na sipsip samting tu i save pilim husat* i kam.

 2 Harim gut nois bilong nek bilong em,

Na nois bilong tanda i kamaut long maus bilong em.

 4 Na bihain bikpela nois tru i kamap;

Em i singaut strong tru olsem tanda,+

Na long taim em i toktok, laitning i wok long sut i go nabaut.

 5 Nek bilong God i pairap+ narakain tru na i gutpela moa;

Em i save mekim olkain bikpela wok i winim tru tingting bilong yumi.+

 6 Em i save tokim sno, ‘Pundaun long graun,+

Na em i save tokim bikpela ren, ‘Pundaun strong.’+

 7 God i save pasim rot bilong ol manmeri na ol i no inap mekim wanpela wok*

Em i mekim olsem bai ol man i ken save long ol samting em i save mekim.

 8 Na ol wel animal i save go insait long ol haus bilong ol

Na ol i save hait i stap long haus bilong ol.

 9 Na strongpela win i save lusim hap bilong en na i kam,+

Na win i kam long hap not i save kisim kol i kam.+

10 God i save winim win bilong em, na ais i save kamap,+

Na bikpela hap bilong wara i save tanim i kamap ais na kamap strong.+

11 Em i save bungim planti wara long ol klaut,

Na em i save mekim laitning bilong em i sut+ long ol klaut na i go nabaut.

12 Em i save tok na ol klaut i save muv raun nabaut,

Na ol i save mekim ol samting em i tokim ol long mekim+ long graun.

13 Em i save mekim wok long ol klaut bilong mekim save long ol man,+ na bilong givim wara long graun,

Na bilong soim gutpela pasin laikim* bilong em.+

17 Yu save wai na klos bilong yu i kamap hat

Taim win bilong hap saut+ i kam na i mekim graun i stap isi?

21 Ol manmeri i no inap lukim lait bilong san taim klaut i pasim,

Maski san i lait strong long skai,

Tasol taim win i rausim klaut i go na skai i klia, orait lait bilong san i save stap ples klia.

Em i gat bikpela strong,+

Na em i save mekim stretpela pasin+ tasol na em i no save brukim ol lo bilong em.+

 2 “Husat dispela man i wok long paulim ol tok bilong mi

Na i no kliagut long ol samting na i mekim planti toktok nating?+

 3 Sapos yu man tru, orait nau yu mas redi;

Mi bai givim ol askim long yu, na yu mas bekim ol askim bilong mi.

 7 Taim ol sta bilong moningtaim+ i bin amamas na singaut,

Na olgeta pikinini man bilong God*+ i bin amamas na singaut, yu stap we?

 8 Na long taim solwara i bin sut i kam ausait long bel bilong graun,

Husat i bin pasim ol dua bilong en, na solwara i stap insait long mak bilong en?+

 9 Yu stap we long taim mi karamapim solwara long klaut

Na mi bin pasim* ol blakpela klaut long en?

10 Na yu stap we taim mi bin makim ol arere bilong solwara

Na dispela i stap olsem ol dua na ol ba i banisim em?+

11 Na taim mi tokim solwara olsem, ‘Weiv bilong yu i ken bruk i kam inap long dispela mak tasol

Na i tambu tru long kalapim dispela mak,’ yu stap we?+

13 Na olsem wanem? Ating yu bin tokim tulait long kamap long olgeta hap bilong graun

Na rausim ol man nogut i go, a?+

14 Taim san i kamap, graun i save stap ples klia,

Na ol samting i bilasim graun i save stap ples klia olsem bilas i stap long laplap.

15 Tudak i olsem san bilong ol man nogut, tasol tulait i kamap na i pasim ol

Na mekim ol i lusim ol wok nogut ol i mekim.

17 Na olsem wanem? Yu bin lukim geit bilong dai,+

Na yu bin lukim geit bilong ples i tudak nogut tru?+

23 Mi bin putim ol dispela samting i stap bilong mi ken mekim wok long en long taim bilong hevi,

Na bilong yusim long taim bilong pait.+

27 Husat i mekim ren i pundaun long ples nating

Na mekim ol gras i gro long dispela hap?+

34 Olsem wanem? Ating yu inap bikmaus long ol klaut

Na ol i harim tok bilong yu na kapsaitim bikpela ren antap long yu?+

38 Na i mekim das bilong graun i kamap malumalum,

Na i pas wantaim?

40 Taim ol i stap insait long hul bilong ol,

Na taim ol i wet i stap long ples hait bilong ol bilong kilim i dai ol abus, yu save givim kaikai long ol?

41 Na husat i save redim kaikai bilong ol kotkot,+

Taim ol liklik pikinini bilong ol i singaut long God i helpim ol,

Na ol i raun raun nabaut long wanem ol i no gat kaikai?

 3 Ol i save brukim skru na karim pikinini bilong ol,

Na pen ol i pilim long karim pikinini i save pinis.

 6 Mi bin givim ples nating long em bai dispela ples i stap olsem haus bilong em

Na mi givim graun i gat sol long em bai em i stap long dispela hap.

 8 Em i save raun long ol ples maunten bilong painim gras,

Na em i save painim olgeta kain gras bilong kaikai.

11 Em i gat bikpela strong, olsem na yu ting yu bai bilip long em

Na larim em i mekim ol strongpela wok bilong yu?

13 Ostris i save amamas na i meknaisim wing bilong en,

Tasol wing na gras bilong en i no wankain olsem bilong pisin stok.+

14 Ostris i save putim ol kiau bilong en long graun,

Bai hat bilong graun i ken hatim ol kiau.

15 Em i no save tingim olsem ol man inap krungutim ol kiau,

Na wel animal tu inap krungutim ol kiau.

17 Em i mekim olsem, long wanem, God i no givim em* savetingting

Na em i no givim save long em.

18 Tasol taim em i kirap na em i meknaisim moa yet wing bilong en na ran i go,

Em i save lap long hos na man i sindaun long en.

23 Ol spia insait long paus i pairap long sait bilong em,

Ol spia i save lait.

Em i stap longwe yet long ples bilong pait, na em i kisim pinis smel bilong pait

Na em i harim singaut bilong ol komanda na singaut bilong pait.+

26 Ating yu bin putim tingting na save long ol pisin falkon na ol i flai antap,

Na ol i save flai i go olsem long hap saut, a?

 5 Mi bin toktok planti taim,

Na mi no inap bekim tok gen o mi no inap toktok moa.”

 7 “Sapos yu man tru, orait nau yu mas redi;

Mi bai givim ol askim long yu, na yu mas bekim ol askim bilong mi.+

13 Na haitim olgeta bilong ol insait long das;

Na kalabusim ol* long ples hait.

14 Sapos yu mekim olsem, orait mi bai tok amamas long yu

Olsem long strong bilong yu, yu inap kisim bek yu yet.

20 Gras em i save kaikai, i save kamap long ol maunten

Em ples we ol wel animal i save raun nabaut long en.

21 Em i save slip aninit long ol liklik diwai i gat nil,

Na em i save hait aninit long ol pitpit bilong tais.

22 Ol liklik diwai i gat nil i save haitim em long sedo bilong ol,

Na ol diwai popla bilong veli* i raunim em.

 4 Yu ting em bai wokim kontrak wantaim yu,

Na bai em i stap wokboi bilong yu oltaim?

12 Nau mi laik tokim yu moa long ol lek bilong Leviatan,

Na long bikpela strong bilong en, na tu, long strongpela bodi bilong en.

15 Baksait bilong en i gat planti grile*

Na ol dispela grile i save pas pas tru na i strong.

16 Ol grile bilong en i pas strong wantaim

Na i no gat liklik hap win inap i go aninit long ol grile.

17 Ol i pas strong wantaim

Na i no gat wanpela samting inap opim ol.

18 Taim em i kus, lait i save kamap long nus bilong en na sut i go nabaut,

Na ai bilong en i save lait olsem lait bilong san i kam antap long bikmoning.

20 Na smok i save kamap long nus bilong en,

Olsem smok i kamap long bikpela aven.

21 Win bilong en i save mekim paia i kirap,

Na paia i save sut i kam ausait long maus bilong en.

22 Nek bilong en i strong moa yet,

Na olgeta samting i bungim em, ol i save pret nogut tru.

24 Klok bilong em i strong olsem ston,

Yes, em i strong olsem ston bilong wilwilim wit.*

25 Taim em i kirap, ol samting i gat strong i save pret;

Em i paitim wara nabaut na dispela i mekim na ol man i no save ol bai mekim wanem.

27 Em i lukim ain olsem drai bun bilong wit samting,

Na kopa olsem diwai i sting pinis.

29 Em i lukim ol bikpela stik bilong pait olsem pipia bilong gras,

Na taim em i harim pairap bilong spia, em i save lap.

31 Taim em i go insait long wara, em i save mekim spet i kamap antap long solwara;

Na i olsem oil i boil long sospen.

32 Na mak bilong rot em i bihainim long wara i kamap waitpela tru na i lait tumas,

Na man i lukim, em bai ting olsem solwara i gat waitpela gras.

33 I no gat wanpela animal i wankain olsem em long graun, nogat tru,

Em wanpela animal i no save pret long wanpela samting.

 2 “Nau mi save olsem yu tasol inap mekim olgeta samting

Na taim yu laik mekim wanpela samting, i no gat wanpela inap pasim yu.+

Yes, em tru mi toktok planti, tasol mi no kliagut long ol samting na mi toktok

Ol dispela narakain gutpela samting mi bin toktok long en, ol i winim tru tingting na save bilong mi, na mi no save liklik long ol.+

 5 Yau bilong mi i harim tok long yu,

Tasol nau, mi lukim yu stret long ai bilong mi yet.

 6 Olsem na ol tok mi mekim i no stret,+

Na mi sindaun long das na sit bilong paia bilong soim olsem mi bel hevi long ol tok mi mekim.”+