‘Wanpela Gutpela Presen Tru’

WANPELA meri bilong Sau Paulo long Brasil i mekim dispela tok taim em i kisim buk Baibel Stori Buk Bilong Mi olsem presen. Smolmama bilong em i bin salim dispela buk long pikinini meri bilong em i gat 5-pela krismas. Long kamapim amamas bilong em dispela meri i rait olsem:

‘Olgeta nait mi save kaunim sampela stori long pikinini bilong mi na em i amamas tru. Em i givim bel tru, na em i mekim planti askim, na kamapim tingting bilong em, na skelim sindaun bilong em wantaim ol tok bilong buk. Mi no save tokim em​—em yet i go kisim buk, long wanem, em i laik save long wanpela nupela stori.

‘Tasol dispela presen i no helpim Natelia tasol; taim mi skelim ol tok bilong God wantaim em, dispela i helpim mi tu. Nau mi amamas moa long wok bilong mi olsem mama.

‘I gat kain kain presen yumi ken givim o kisim, sampela i gat bikpela pe, na sampela i gat liklik pe. Tasol dispela buk mipela i bin kisim i narapela kain tru long ol narapela presen. Em i gutpela moa, long wanem, yumi tingim bikpela pasin sori bilong man i bin givim dispela buk na long bikpela amamas dispela presen i givim long man i kisim.’

Ol Witnes Bilong Jehova i wanpela oganaisesen i winim 4 milion sumatin bilong Baibel na ol i stap long olgeta hap bilong graun na ol i helpim ol man long kisim save long laik bilong God. Sapos yu laik kisim sampela save moa o yu laik bai wanpela man i lainim yu long tok bilong Baibel long haus bilong yu yet, no gat pe, salim pas na toksave long I.B.S.A., Box 636, Boroko, N.C.D., o lukim atres i stret long yu long pes 5.