Gutpela Samting Tru Long Ples Pipia

Wanpela man long Hangari i painim wanpela samting olsem. Em i raitim pas long ol Witnes Bilong Jehova na tok:

‘Mi laik askim oganaisesen bilong yupela long wanpela samting. Mi laik kisim Wastaua i Tokaut Long Kingdom Bilong Jehova na buk Yu Inap i Stap Oltaim Long Paradais Long Graun.

‘Mi laik tokaut long as na mi laik kisim dispela nius na buk. Long taun mi stap long en mi save wok long trak bilong bungim pipia, na mi bin painim nius long pipia. Mi klinim nius na kisim i go long haus. Mi wantaim famili bilong mi i skelim gut dispela nius. Mipela i gat liklik save, tasol mipela laik kisim sampela save moa. Olsem na mipela i askim yupela long pilim gut hevi bilong mipela na helpim mipela.’

Ol Witnes Bilong Jehova i amamas long salim ol buk bilong Baibel i go long kain man olsem na helpim ol long kisim save long Baibel. Olsem na sapos yu laik kisim wanpela Wastaua o yu laik bai wanpela i kam lukim yu long haus na lainim yu long ol tok promis bilong Baibel em buk Yu Inap i Stap Oltaim Long Paradais Long Graun i save stori long en, raitim pas long IBSA, Box 636, Boroko, NCD 111, Papua New Guinea, o lukim atres long pes 5 em i stret long yu.