“Ol Samting Bilong Bipo Bai Pinis”

“Yumi save, olgeta samting God i bin wokim, olgeta i pilim pen olsem meri i laik karim pikinini. Na olgeta i krai nogut i stap, i kam inap long nau.” Dispela tok i tru nau long taim bilong yumi na em i tru long taim ol i raitim, klostu 2,000 yia i go pinis. Tasol olsem wanem? Pen na hevi ol man i karim long bipo i kam inap long nau bai pinis?—Rom 8:22.

DISPELA buklet i gat 32 pes na gutpela kala, nem bilong en Tru God i Save Tingim Yumi?, i toktok long dispela samting. Buklet i tok, ‘God bai stretim pen na hevi ating yumi karim long dispela taim nogut.’ Na buklet i tok moa, “Olsem na God bai mekim bikpela pasin sori tru bilong stretim ol hevi narapela i bin putim long yumi.”

Dispela buklet i gat ol tok bilong kamapim klia olsem, gutpela taim bai kamap. Wanpela yangpela meri bilong Kanada i gat 20 krismas, taim em i kaunim pinis dispela buklet em i tok: “Mi pilim tru ol tok bilong dispela buklet long bel bilong mi na mi no inap save bai mi tok wanem! Dispela buklet em i olsem wanpela ston i dia tumas. Em i helpim yumi long tingim ol gutpela samting God bai givim long yumi. Mi pilim olsem hap i stori long ‘Ol Samting Bilong Bipo Bai Pinis’ ol i bin raitim gut tru. Tenkyu long kirapim mipela long tingim olsem Jehova i save laikim yumi tru.”

Sapos yu laik kisim dispela buklet o yu laik wanpela Witnes i kam long haus bilong yu na toktok wantaim yu long dispela samting, salim pas na toksave long IBSA, Box 636, Boroko, NCD 111, o lukim atres i stret long yu long pes 5.