‘I Hatwok Tru Long Mi Taim Em i No Stap’

“MI KAUNIM pinis dispela nupela buklet mipela bin kisim long kibung, em Taim Wanpela Long Famili i Dai. Na mi raitim dispela pas bilong kamapim tingting bilong mi na tok tenkyu olsem mi pilim tru ol tok bilong dispela buklet ol i bin raitim gut tru bilong strongim bilip bilong mipela.

“Nau mi gat 18 krismas. Taim mi gat 8-pela krismas papa bilong mi i bin i dai taim em i kisim birua long ka. Maski dispela samting i bin kamap 10-pela yia i go pinis, mi pilim olsem mi stap wanpis yet. I hatwok tru long mi long kamap bikpela taim em i no stap. I gat planti samting mi laik tokim em, na mi laik save gut long en. Taim buklet i tokaut gen long pasin sori Jehova i mekim long rot bilong kirap bek, mi pilim gutpela tru! Dispela i mekim na aiwara bilong mi i kamap. Mi laik tok tenkyu gen long yupela long strongim tingting bilong mi long dispela gutpela samting mi inap wetim.”​—Wanpela yangpela Witnes long Ostria i tok olsem.

Planti ol kain pas olsem mipela i bin kisim long ol ofis bilong Sosaiti Wastaua long Nu Yok. Dispela buklet i gat 32 pes long en, na nau ol i wokim long 18 tok ples, em i mekim gut bel bilong planti milion manmeri. Sapos yu save bel hevi long wanpela long famili bilong yu i dai pinis, na yu laik kisim wanpela buklet olsem, orait raitim pas long IBSA, Box 636, Boroko, NCD 111, Papua New Guinea, o lukim atres long pes 5 i stret long yu.