‘Buk i Helpim Mi Long Skelim i Stap Bilong Mi’
MARIA i gat 18 krismas na em i bilong taun Serepovits, em i bin tok olsem long buk Sampela Askim Bilong Ol Yangpela—Ol Gutpela Bekim. Em i raitim dispela tok daunbilo i go long brens-ofis bilong ol Witnes Bilong Jehova klostu long Sen Pitasbek, Rasia, inap olsem 400 kilomita longwe long Serepovits.
“Dispela buk i bin helpim mi long skelim mi yet, ol mak mi laik winim, na ol man i stap klostu long mi. Mi painim bekim bilong ol askim mi save tingting planti long en. Taim mi wok long kaunim buk, aiwara bilong amamas i pundaun long pes bilong mi.”
Maria i tok moa: “I olsem em i rausim samting i pasim ai bilong mi—ai bilong mi i op long planti samting mi kirap nogut long en. Dispela buk em i nambawan buk tru, winim ol narapela buk mi bin kaunim. I no gat wanpela buk i olsem dispela, long wanem, Baibel i as bilong ol tok bilong en, na ol tok bilong Jehova em i nambawan.”
Sapos yu tu i laik bai ol tok bilong dispela buk Sampela Askim Bilong Ol Yangpela—Ol Gutpela Bekim i helpim yu, raitim nem na atres bilong yu long hap daunbilo na salim long atres i stap long en o long atres i stap long pes 5 bilong dispela nius.
□ Salim buk Sampela Askim Bilong Ol Yangpela—Ol Gutpela Bekim i kam long mi. Makim wanem tok ples.
□ Plis, toksave long mi long pasin bilong kisim Baibel-stadi i no gat pe.