Em Dispela Samting Tasol Ol Yangpela i Mas i Gat
Inap planti yia ol yangpela na ol manmeri i bikpela pinis, i bin tok buk Sampela Askim Bilong Ol Yangpela—Ol Gutpela Bekim i stori long ol samting em ol yangpela i mas save long en. Wanpela yangpela meri i gat 15 krismas samting, long Sinaloa, Meksiko, i laik kisim 10-pela kopi bilong dispela buk bilong ol pren bilong em. Em i tok maski em i no wanpela Witnes Bilong Jehova, em i laikim tru dispela buk, na em i tok, “Mi gat bikpela rispek tru long yupela.”
Em i tok moa olsem: “Mi gat planti pren husat i gat planti askim long laip bilong ol long nau. Mi bin soim ol dispela buk, na ol i laikim tru dispela buk. Em gutpela buk tru na i gat olgeta bekim em ol yangpela i laik save long en.” Dispela yangpela meri i askim ol long salim ol dispela buk i kam paslain long malolo bilong skul i kirap sapos ol inap mekim olsem.
Buk Askim Bilong Ol Yangpela i gat 39 sapta. Em hia sampela sapta: “Mi Ken Mekim Wanem na Bai Papamama i No Pasim Mi Tumas?” “Olsem Wanem Mi Inap Painim Ol Gutpela Pren?” “Olsem Wanem Long Mekim Maritpasin Taim Mi No Marit Yet?” na “Olsem Wanem Mi Inap Save Mi Givim Bel Tru Long Em o Nogat?” Bilong kisim dispela buk, yu ken raitim nem bilong yu long hap hia na salim long atres i stap long dispela hap o i stap long pes 5 bilong dispela nius.
□ Salim wanpela buk Sampela Askim Bilong Ol Yangpela—Ol Gutpela Bekim long mi.
□ Plis kam lukim mi, mi laik stadi long Baibel, no gat pe.