“Em i Nambawan Tru”

Em tok tupela marit long Georgia, Amerika, i bin mekim long buk Tru Tru Baibel i Tok Wanem? Em buk ol i bin wokim long 2005 na i gat 224 pes long en, na i gat ol naispela piksa. Ol i tok: “Buk i kamapim ol tok i no hatwok long kisim gut, olsem na olgeta kain man inap mekim wok long en. Tasol ol dispela tok i gat bikpela insait bilong en, inap long ol man i gat bikpela skul i ken amamas long en.”

Het tok bilong buk yet inap kirapim ol man long laikim, olsem stori bilong tupela marit bilong New Jersey, Amerika, i bin kamapim. Bihain long kibung bilong ol Witnes Bilong Jehova long Florida, we tupela i kisim dispela buk, tupela i kisim balus i go long ol ailan Bahama bilong limlimbur. Taim wokman bilong sekim ol paspot samting i sekim kago bilong ol em i lukim dispela buk. Em i ritim het tok bilong en na i tok, “Olgeta taim mi gat laik long save long bekim bilong dispela askim.” Em i amamas tru taim tupela marit i givim em wanpela buk.

Long de bihain, dispela tupela marit i stap long nambis na wok long ritim buk taim wanpela meri asples i kam salim ol samting long ol turis, na em i lukim dispela buk. Em i tok olsem, long moning em i bin beten long God long em i laik save long bekim bilong dispela wankain askim​—⁠Tru tru Baibel i tok wanem? Em i askim tupela long olsem wanem em i ken kisim wanpela buk, na em i amamas nogut tru taim tupela marit i givim em wanpela buk.

Buk Tru Tru Baibel i Tok Wanem? i stap nau long 145 tok ples, na ol i prinim pinis 40 milion bilong en. Bilong kisim dispela buk, yu ken raitim nem bilong yu long hap hia na salim long atres i stap long dispela hap, o i stap long pes 5 bilong dispela nius.

□ Salim wanpela buk Tru Tru Baibel i Tok Wanem? long mi. Makim wanem tok ples.

□ Plis kam lukim mi, mi laik stadi long Baibel, no gat pe.