Bel Hevi
Olsem wanem pasin bilong bel hevi inap nogutim ol wokman bilong Jehova?
Wai na yumi ken bilip tru olsem Jehova bai helpim yumi long daunim bel hevi?
Sg 23:1-6; 113:6-8; Ai 40:11; 41:10, 13; 2Ko 1:3, 4
Ol eksampel long Baibel:
Mt 11:28-30—Jisas i bihainim tru pasin bilong Papa bilong em na em i mekim gutpela pasin na givim nupela strong long ol narapela
Mt 12:15-21—Jisas i truim tok profet i stap long Aisaia 42:1-4, em i save mekim gutpela pasin long ol man i bel hevi
Ol skripsa bilong mekim gut bel bilong ol manmeri i bel hevi
Lukim “Mekim Gut Bel”
Wai na yumi mas traim long mekim ol tok bilong strongim bel bilong ol narapela?
Ol eksampel long Baibel:
Nam 32:6-15—Tok bilong 10-pela man bilong lukstil i mekim lain Israel i bel hevi, na dispela i nogutim lain Israel olgeta
2St 15:1-8—Wanpela tok i kam long Jehova i helpim King Asa long strongim bel na rausim olgeta samting bilong ol giaman god long kantri Israel