Stretpela Pasin
Husat wanpela tasol i gat rait long makim wanem pasin i stret o i fea?
Ol eksampel long Baibel:
St 18:23-33—Jehova i soim Abraham olsem Em wanpela tasol i stretpela Jas
Sg 72:1-4, 12-14—Dispela man bilong raitim song i preisim King Mesaia bikos em i bihainim stretpela pasin wankain olsem bilong Jehova
Taim yumi bihainim ol stretpela lo bilong Jehova, olsem wanem dispela i lukautim yumi?
Sg 37:25, 29; Jem 5:16; 1Pi 3:12
Lukim tu Sg 35:24; Ai 26:9; Ro 1:17
Ol eksampel long Baibel:
Jop 37:22-24—Elihu i preisim stretpela pasin bilong Jehova em Man i gat bikpela strong na dispela i kirapim ol manmeri bilong Em long rispektim Em
Sg 89:13-17—Man bilong raitim song i preisim Jehova bikos oltaim Em i save mekim wok king long stretpela pasin
Painim stretpela pasin bilong God i makim wanem samting?
Ese 18:25-31; Mt 6:33; Ro 12:1, 2; Ef 4:23, 24
Ol eksampel long Baibel:
St 6:9, 22; 7:1—Noa i soim olsem em i stretpela man taim em i mekim olgeta samting Jehova i askim em long mekim
Ro 4:1-3, 9—Jehova i tingim Abraham olsem stretpela man bikos em i soim olsem em i bilip strong long Em
Wai na yumi mas larim pasin bilong yumi long laikim Jehova i stap olsem as na yumi mekim stretpela pasin na yumi no mekim bilong amamasim ol man?
Mt 6:1; 23:27, 28; Lu 16:14, 15; Ro 10:10
Ol eksampel long Baibel:
Mt 5:20; 15:7-9—Jisas i tokim ol man long bihainim stretpela pasin, tasol i no kain stretpela pasin em ol saveman bilong Lo na ol Farisi i skulim ol man long en, bikos ol i man bilong tupela maus
Lu 18:9-14—Jisas i mekim wanpela tok piksa bilong stretim ol man husat i ting ol i yet i stretpela man na ol i luk daun long ol narapela