Bilip Bilong Em i Strong Tru

Renata em i gat 14 krismas. Inap tupela yia dispela yangpela meri bilong Brasil i bin karim hevi. Em i gat sik kensa long bun bilong skru bilong lek. Ol dokta i kutim na rausim lek bilong em na givim kobal (cobalt) long em, tasol dispela samting i helpim em long i stap laip inap liklik taim moa, i no stretim sik bilong em. Renata i kristen na bel bilong em i gat tok long pasin bilong kisim blut. Dokta i strong long givim blut long em, tasol em i no laik kisim. Paslain long taim Renata i go long haus sik long laspela taim, dispela dokta na wanpela nes i go lukim em long haus.

Renata i tok: “Mi ken i go bek long haus sik, tasol pastaim Dokta ​——​ i mas tok p^,romis long mi, olsem: Em i no ken tokim mi moa long kisim blut. Mi les long tokim ol tokim ol bilong wanem mi no laik kisim blut.”

Dokta i tok promis na em i tok, Renata i laik i dai, tasol bilip bilong em i strong tru.

Inap 8-pela mun paslain long taim Renata i dai em i gat bikpela pen tru na em i no inap slip, em i mas sindaun tasol. Taim bilong wanpela kibung bilong Ol Witnes Bilong Jehova i kamap na Renata i laik tru long i go long kibung, tasol em i no inap. Em i krai na em i tok:

“Sapos mi inap mi laik tokim olgeta, olsem: ‘Mekim bikpela wok long lek bilong yupela. Nogut tumora yu no inap wokabaut na mekim wok bilong Jehova! Yupela i no ken lusim ol kibung!’”

Oltaim Renata i save beten. Wanpela taim mama bilong em i harim em i beten na tok olsem: “Jehova, mi save mi no ken orait bek. Ol dokta i no inap stretim sik bilong mi, tasol Yu inap stretim. Tasol mi save i no taim yet bilong mekim; long Nupela Taim bihain bai yu mekim. Tasol plis, helpim mi bambai mi no solap moa, long wanem sapos skin bilong mi i solap bikpela moa bai mama i no inap karim mi i go long toilet.”

Sampela manmeri, mama bilong Renata tu, taim ol i lukim em ol i krai. Tasol Renata i save strongim bel bilong ol. Em i save tokim ol: ‘Yupela i mas i stap strong long bilip.’ Mama i rait pas na em i stori olsem: “Taim ol dokta i katim na rausim pinis lek bilong Renata, bihain wanpela nes i tokim Renata: ‘Taim yu stap long rum kat na ol dokta i laik katim yu, olsem wanem na yu amamas na yu lap na toktok? Ating yu amamas yu inap kisim wanpela lek giaman?’ Renata i bekim tok, olsem: ‘Nogat. Mi wet long kisim wanpela lek tru God Jehova bai givim long mi long Nupela Taim bihain.’”

[Rait long pes 30]

Taim Renata i stap long haus sik na em i no inap i go long kibung, em i tok strong olsem: “Yupela i no ken lusim ol kibung!”