Samting i Winim Lotu Long Sios

Em wanem samting? Wanpela man bilong Itali i tok, sapos yumi kaunim Wastaua, dispela i winim wok long i go long sios. Em i tok:

“Yupela bin salim sabskripsen bilong Wastaua long mi na mi kisim sampela na mi kaunim.

“Mi laik tok tenkyu long ol gutpela tok i stap long Wastaua. Em i strongpela tok, tasol Wastaua i kamapim gut, na olgeta tok i bilong Baibel.

“Bipo, taim mi slip pinis na mi kirap long moningtaim, mi save beten long God, em beten mi bin lainim na mi mekim wankain long olgeta taim. Tasol nau mi save kaunim sampela tok bilong Wastaua na mi tingim i stap.

“Mi save wok gaden, na i no gat narapela man i stap wantaim mi, mi wanpela; tasol nau mi save long Ol Witnes Bilong Jehova na nau mi gat planti pren. Ol Witnes bilong ples Asti i save kam lukim mi, na i olsem ol aposel i kam lukim mi. Insait long sampela mun i go pinis mi bin lainim planti samting bilong Baibel, winim ol samting mi bin lainim insait long 50 yia mi bin i go long sios.”

Sapos yu laik kisim sampela save moa long ol tok bilong Baibel, ating bai yu laikim Wastaua. Ol i ken salim narapela narapela long yu long olgeta mun inap wanpela yia, pe bilong en K1.20 tasol.

Plis salim Wastaua long mi. Mi putim K1.20 i stap long dispela pas.‐‐‐‐‐‐‐‐‐‐‐‐