Em Inap Helpim Yu Long Mekim Pasin i Stret

Namba wan ofis bilong Sosaiti Was Taua i kisim wanpela pas. Dispela pas i tok:

“Nau tasol mi kaunim dispela buk bilong yupela, nem bilong en: Rot Bilong i Stap Amamas Taim Yu Yangpela Yet. Mi Amamas tru long ol tok mi kaunim. Dispela buk i helpim mi long save long planti samting mi save tingting planti long en na pret long en.

“Oltaim mi wok long mekim pasin i stret, tasol planti taim mi pundaun. Mi kirap kaunim dispela buk na bihain sampela manmeri i laik pulim mi i go lukim piksa nogut. Klostu mi go wantaim ol, tasol mi tingim ol tok bilong dispela buk na mi no i go lukim ol dispela kain piksa.

“I no hatwok long save long ol tok bilong dispela buk, long wanem em i kolim ol tok piksa mi inap kisim gut. Mi laik kaunim sampela buk moa long yupela. Plis tokim mi we mi ken kisim ol dispela gutpela buk. Tenkyu!”

Yu ken kisim dispela gutpela buk ol i bin wokim 18 milion bilong en. Raitim nem na atres bilong yu long hap pepa daunbilo na salim i kam.

Plis salim dispela buk long mi, nem bilong en: Rot Bilong i Stap Amamas Taim Yu Yangpela Yet. Mi putim olsem 60 toea i stap long dispela pas.