Ol i Mekim Wok long Ol Dispela Buk long Skul

I gat wanpela liklik kantri i stap long ples maunten long Saut Afrika, nem bilong en Lesoto. Maseru em i nambawan biktaun bilong Lesoto. Ol Witnes i bin toktok wantaim ol het-tisa long ol skul long dispela hap, na ol i bin givim tripela buk long ol, nem bilong dispela tripela buk, em olsem: Rot Bilong i Stap Amamas Taim Yu Yangpela Yet, na Rot Bilong Kamapim Amamas Insait long Famili, na Baibel Stori Buk bilong Mi. Wanem samting i kamap? Wanpela skul i bin kisim 50 buk Yangpela, na narapela skul i tok buk Baibel Stori em bai kamap olsem nambawan buk bilong skul. Inap 7-pela klas olgeta, i gat 260 sumatin long en, ol i kirap mekim wok long buk Baibel Stori.

Mipela save, ol dispela buk inap helpim yu wantaim famili bilong yu. Olgeta dispela buk i gat strongpela karamap bilong en na buk Yangpela na buk Famili i gat 192 pes. Buk Baibel Stori i gat 256 pes, na em i bikpela olsem dispela nius, na i gat 125 bikpela piksa long naispela kala. Yu inap kisim dispela tripela buk wantaim long K3.60.

Plis salim ol dispela buk long mi, em Baibel Stori Buk bilong Mi, Rot Bilong i Stap Amamas Taim Yu Yangpela Yet na Rot Bilong Kamapim Amamas Insait long Famili. Mi putim olsem K3.60 i stap insait long dispela pas.