‘Mi No Inap Lusim’

LONG wanpela ailan long Solwara Karibian, nem bilong en Sen Lusia, wanpela meri i gat stua long nambawan biktaun em i kisim wanpela buk, nem bilong en Yu Inap i Stap Oltaim long Paradais long Graun. Man i bin givim dispela buk long em, em i raitim pas na em i tok:

“Long dispela wik, taim mi wokabaut long rot klostu long stua bilong em, tripela taim em i singautim mi i go insait long stua. Em i bin kaunim sampela tok bilong dispela buk na em i gat sampela askim long hel o bikpaia, na long tewel, na long dispela tok olsem Maria i no mama bilong God, na sampela tok moa. Em i gat planti wok bilong lukautim stua na em i no meri bilong kaunim buk tumas, tasol insait long tupela wik em i kaunim olgeta tok bilong dispela buk. Em i tok, ‘Bipo mi no kaunim planti tok olsem. Maski het bilong mi i pen, mi no inap lusim dispela buk.’ ”

Dispela buk i stori long olgeta bikpela tok bilong Baibel em ol man i gat kain kain tingting long en, na i bekim gut askim bilong ol man long ol dispela tok. I no hatwok long kisim save long ol tok bilong dispela buk. Yu mas kisim wanpela na bai yu save bilong wanem ol man i laikim tru dispela buk.

Plis salim dispela buk long mi, nem bilong en Yu Inap i Stap Oltaim long Paradais long Graun, em i gat 256 pes na strongpela karamap. Mi putim olsem K2.00 i stap insait long dispela pas.