Glasman i Gat Planti Meri Em i Kisim Tok i Tru
WANPELA man bilong Afrika, nem bilong em Aisak, em wantaim sampela man ol i lusim Lotu Apostolik, long wanem dispela lotu i no bihainim ol tok em i givim long ol man. Bihain ol dispela man wantaim meri bilong ol ol i kamap Witnes Bilong Jehova−tasol Aisak nogat. Orait ol i go lukim em bilong tokim em olsem ol i painim pinis tok i tru. Taim em i lusim lotu bilong em, em i kamap glasman na em i gat planti meri. Tasol ol i givim wanpela liklik buk long em, nem bilong en Stap Amamas Oltaim long Graun! Dispela liklik buk i sutim stret wok na sindaun bilong Aisak. Aisak i kaunim dispela liklik buk. Taim em i kaunim em i pilim tru. Em i bin kisim bikpela mani long wok bilong em olsem glasman, tasol em i lusim dispela wok na em i lusim olgeta meri bilong em na em i holim namba wan meri tasol, em i gat 63 krismas (Aisak i gat 68 krismas). Aisak i tok, nau em i stap amamas tru, na em i no kalabus moa long ol spirit nogut na pret long ol.
Miting Bilong Ol Memba Bilong International Bible Students Association of Papua New Guinea, Inc.
Long Oktoba 1, 1988 ol memba bilong International Bible Students Association of Papua New Guinea, Inc. bai bung long 4 klok apinun long Haus Kingdom, long Gordons, Port Moresby, Papua New Guinea.