Bosim Gut Bel

I hatwok long bosim gut bel. Wanpela yangpela meri i stori long ol samting i bin painim em, em i tok: “Bel bilong mi i amamas, tasol wantu bel i hevi tru. Na sampela taim i olsem bel bilong mi i pas na mi no inap save mi stap amamas o mi bel hevi. Mi pilim olsem mi lus long bikpela tudak. Mi no inap kamapim tingting bilong mi long narapela man; mi yet mi no save long tingting i stap long bel bilong mi. Mi pilim olsem ol narapela man i no laikim mi, olsem ol wanskul bilong mi, long wanem mi no gat gutpela skin. Ol dispela kain tingting i kamap long bel bilong mi i olsem i laik kilim mi i dai, na mi no laikim mi yet o pasin bilong mi.”

Dispela yangpela meri i kisim wanpela buk, nem bilong en Rot Bilong i Stap_.Amamas Taim Yu Yangpela Yet. Em i tok, “Mi kirap long kaunim dispela buk na i gat gutpela tok long en, olsem na mi laik kaunim wanpela sapta nem bilong en: ‘Pikinini Meri i Go Bikpela.’ Taim mi kaunim, mi kirap nogut, long wanem dispela buk i stori stret long hevi i bin painim mi na long rot bilong stretim. Ol tok mi kaunim i helpim mi, long wanem nau mi save, mi no narapela kain​—⁠dispela hevi i painim ol narapela yangpela meri tu. Mi mas save tasol long gutpela rot bilong stretim.”

Dispela buk i helpim ol yangpela long bosim gut bel bilong ol na i stori long planti samting moa bilong helpim ol yangpela, na i bekim sampela askim bilong ol yangpela, olsem: I gutpela sapos mi dring wain o bia samting? I gat rong long pasim pamuk o nogat? Sapos yu laik kisim dispela buk yu ken raitim nem na atres bilong yu long blok daunbilo na salim dispela wantaim 80 toea i kam.

Plis salim dispela buk long mi, nem bilong en: Rot Bilong i Stap Amamas Taim Yu Yangpela Yet, em i gat stongpela karamap na 192 pes. Em mi i putim olsem 80 toea i stap insait long dispela pas.