‘Nau Mipela i Amamas Moa Yet’

Wanpela meri i tok olsem taim em i bihainim gutpela tok i stap long buk Rot Bilong Kamapim Amamas Insait long Famili. Em wantaim man bilong em i no sindaun gut wantaim na em i kamapim dispela hevi bilong em long meri i save kam klinim haus bilong em. Dispela wokmeri i raitim pas i kam na em i stori olsem:

“Ol tok mi givim long em mi kisim long dispela buk tasol. Olsem na bihain mi tokim em, mi gat wanpela buk em inap helpim em. Mi stori long em long olsem wanem dispela buk i bin helpim mi, na mi tokim em buk i kamapim planti gutpela tok bilong Baibel. Em i kisim dispela buk na sampela de bihain mi toktok wantaim em long telefon na em i tokim mi, em wantaim man bilong em i bin kaunim dispela buk na tupela i pasim tok long stretim pasin bilong ol na narapela i mas mekim gutpela pasin long narapela.

“Nau long apinun em i telefon gen long mi na em i toktok wantaim mi long sampela samting na em i tok, nau tupela i stap amamas moa yet, winim olgeta taim bipo. Tupela i bin kaunim dispela buk wantaim, na lukim ol tok bilong Baibel em i kolim, na tupela i kirap bihainim ol lo dispela buk i kamapim.”

Sapos yu laik kisim wanpela samting bilong helpim yu bambai yu wantaim poroman bilong yu yutupela i ken i stap amamas wantaim, orait yu ken kisim dispela buk. Raitim nem na atres bilong yu daunbilo na salim dispela hap pepa daunbilo i kam.

Plis salim dispela buk long mi em i gat strongpela skin, nem bilong en Rot Bilong Kamapim Amamas Insait long Famili. Mi putim ol stem samting inap olsem 80 toea insait long dispela pas.