Save i Helpim Man Long Stap Bel Isi

Wanpela yangpela meri long Ohaio, long Amerika em i raitim pas na em i tok: “Mi go bikpela long lotu Katolik; mi skul long wanpela skul bilong lotu Metodis; mi wokabaut wantaim wanpela yangpela man bilong lotu Juda; bihain mi maritim wanpela man bilong lotu Luteran. Mi no amamas long ol dispela lotu, em ol i save senis bai ol i ken bihainim ol pasin bilong nau. Mi kirap long kaunim buk Yu Inap i Stap Oltaim long Paradais long Graun. Pastaim mi tingting planti, tasol mi laikim tru ol gutpela piksa i stap long dispela buk. Bihain mi givim bel long kaunim ol tok bilong dispela buk, na laspela hap bilong en mi kaunim strong i go inap 4-pela aua na mi kaunim pinis olgeta dispela tok.”

Nau dispela meri i tok, em i tenkyu long God “long nupela save na bel isi” em i kisim. Mipela pilim olsem dispela buk i save strongim bilip bilong ol man na em inap helpim yu tu. Dispela buk i stori long olgeta bikpela tok bilong Baibel, em ol man i gat kain kain tingting long en, na i skelim gut, na man i kaunim em inap kisim gut as bilong tok, na save long tok i tru. Buk i gat 256 pes i bikpela olsem dispela nius, na inap olsem 150 piksa i gat gutpela kala. Em K2.00 tasol.

Plis salim dispela buk long mi, nem bilong en: Yu Inap i Stap Oltaim long Paradais long Graun. Mi putim olsem K2.00 i stap insait long dispela pas.

This is a repeat article from w88 5/1 taken from w-E 88 2/1 ”Knowledge That Brings Inner Peace.”