Mipela Laik Singautim Yu i Kam

Winim 1,900 yia bipo Krais Jisas i stap man long graun na em i dai, na i dai bilong em i nambawan bikpela samting long yumi ol manmeri. Dispela i opim rot na yumi olgeta inap kisim laip i stap oltaim na i stap gutpela tru olsem long Paradais. Jisas i mekim wanpela bung i no gat ol bilaspasin bilong lotu long en​—⁠em i kisim tasol wain na bret i no gat yis bilong makim ofa bilong em, na em i tokim ol disaipel: “Yupela i mas mekim olsem bilong tingim mi.” (Luk 22:19) Bai yu tingim em?

Ol Witnes Bilong Jehova i laik singautim yu i kam bung wantaim ol bilong tingim i dai bilong Jisas. Ol bai mekim dispela bung taim san i go daun pinis long de i olsem de 14 bilong mun Nisan long kalenda bilong Baibel. Yu ken bung wantaim ol long Haus Kingdom i stap klostu long haus bilong yu. Askim ol Witnes long hap bilong yu wanem klok stret na wanem ples ol bai bung long en. De bilong mekim dispela bung long yia 1992 em Fraide, Epril 17.