Em i Liklik, Tasol Em i Gat Strong

ROBERT, wanpela yangpela man bilong Kanada, em i raun long Yurop long painim as bilong i stap bilong em. Em i bin lukim planti samting na dispela i mekim na em i bel hevi tru long samting i laik kamap bihain.

Taim em i sindaun long wanpela liklik haus kaikai long Sevil, long Spen, sampela man i givim em wanpela liklik nius em ol Witnes Bilong Jehova i bin wokim. Pastaim Robert i no bilip tumas. Em i tok: “Maski mi no bilip tumas mi kaunim. Mi no save, tasol ating dispela i as na nau tingting bilong mi i klia long olgeta samting. Taim mi raun long ol ples, mi bin lukim kain kain hevi i daunim ol man na mekim ol i bel hevi, na mi bel hevi, long wanem, mi no inap helpim ol. Mi kaunim pinis liklik nius, na mi ting: ‘Olsem wanem? Dispela “nupela taim” inap kamap?’ Na bihain mi ting, ‘Ating em inap.’ ”

Em i kisim bek bilip, olsem na Robert i rait i go long ofis bilong ol Witnes Bilong Jehova long Kanada. Taim em i kam bek long Kanada em i laik sampela Witnes i kam lukim em na helpim em long kisim save long Baibel.

Yumi save, tok yumi autim i gat bikpela strong, tasol yumi no ken ting ol liklik nius i no gat strong. Ol nius samting i stori long Baibel i gat bikpela strong, maski ol i liklik. Ol inap sutim tru tingting na bel bilong man, na em inap bilip tru long gutpela samting bai kamap bihain.—Hibru 4:⁠12.