Yu Ting God i Bosim Graun?

EM SANDE long moningtaim. Planti man i lusim bet, na putim klos, na kisim kaikai, na ol i hariap i go long lotu. Long haus lotu pris o pasto i stori olsem God em i Nambawan Bikpela na em i bosim graun. Em i tok, God i laikim tru yumi ol manmeri. Na em i stori tu long Krais Jisas. Em i tok Krais em i King i winim olgeta narapela king na olgeta man i mas brukim skru long em na bihainim tok bilong em.

Ol man i lusim haus lotu i go bek long haus na ol i opim televisen. Ol i harim tok bilong hangre, na pasin raskol, na ol man i kisim drak, na ol man i stap rabis. Ol i lukim piksa bilong ol man i stap tarangu tru, em ol i gat sik na ol i dai.

Nau ol dispela man i tingting long ol tok ol i bin harim long haus lotu, na ol i tingting planti long sampela samting ol pris pasto i no stori long en. Sapos tru God i gat sori na olgeta strong, bilong wanem ol samting nogut tru i save kamap? Na olsem wanem long Krais Jisas? I no gat planti man i daun long em na bihainim tok bilong em.

[Piksa long pes 3]

Sapos God i bosim graun, bilong wanem i gat planti hevi na ol man i pait na longlong nabaut?

[Piksa Kredit Lain long pes 2]

Cover: NASA photo