Planti Milion Bai Go—Bai Yu Go?

Ol bai go we? Ol bai go long bung bilong tingim indai bilong Krais Jisas em ol i save mekim long olgeta yia. Long 1996 inap olsem 12,921,933 manmeri long olgeta hap i bin bung.

Bilong wanem ol i save go? Long wanem, indai bilong Jisas i bilong helpim ol manmeri. Em bai pinisim sik, pen na hevi, na indai. Ol man yumi laikim tumas ol na ol i dai pinis ol bai kirap bek na stap laip long graun em i kamap Paradais pinis.

Olsem wanem indai bilong Krais Jisas inap kamapim ol kain blesing olsem? Mipela i laik yu kisim save long dispela. Ol Witnes Bilong Jehova i laik singautim yu long i kam bung wantaim ol long dispela bikpela bung.

Yu ken go long wanpela Haus Kingdom i stap klostu long haus bilong yu. Long dispela yia mipela bai bung long Sande, Mas 23, taim san i go daun pinis. Askim ol Witnes Bilong Jehova long hap bilong yu long taim stret bilong bung.