Saveman i Makim Nupela Det Bilong Olpela Rait Bilong Baibel
Wanpela saveman bilong Jemani i save stadi long ol olpela rait, em Carsten Peter Thiede, em i tok, i gat samting i kamapim klia tru olsem 3-pela liklik hap rait bilong Gutnius Matyu i Raitim (ol i kolim Magdalen Papyrus), ol i bin raitim long taim bilong ol aposel.
Bihain long em i skelim pinis ol dispela liklik hap rait (em i gat ol hap tok bilong Matyu sapta 26) wantaim wanpela olpela pas bilong bisnis ol i bin painim long Isip, Thiede i tok, dispela pas bilong Isip em i wankain long ‘Magdalen Papyrus—lukluk bilong en, na stail na pasin bilong raitim wan wan leta, klostu 2-pela i wankain stret.’ Thiede na Matthew D’Ancona, em wanwok bilong em long raitim buk (Eyewitness to Jesus—Amazing New Manuscript Evidence About the Origin of the Gospels), ol i tok, planti samting bilong tupela rait i wankain na dispela i makim olsem ol i bin raitim tupela long wankain taim. Wanem taim ol i raitim? Ol i makim det bilong dispela pas bilong bisnis olsem “ ‘long namba 12 yia bilong Bikman Nero, Epeiph 30.’ Long kalenda bilong yumi em Julai 24, 66 [C.E.].”
Long wanpela stori i kamap long nius Tyndale Bulletin, Profesa Philip W. Comfort i tok olsem: ‘Sapos dispela nupela det i stret, dispela i bikpela samting tru, long wanem, dispela det i makim olsem dispela rait bilong Gutnius Matyu i Raitim em i bin kamap sampela yia tasol bihain long Matyu i raitim.’ Na tu, dispela bai mekim na rait bilong Magdalen Papyrus em i olpela rait tru, winim ol narapela olpela rait bilong Gutnius i stap yet.
[Piksa long pes 29]
“Magdalen Papyrus,” mak tru bilong en
[Kredit Lain]
Presiden na Ol Wokman bilong Magdalen Koles, Oksfot, i tok orait long kamapim dispela piksa