Askim

◼ Olsem wanem? I stret yumi ken paitim han taim ol i toksave olsem kongrigesen i kisim bek wanpela brata o sista?

God Jehova em i God bilong marimari na sori, olsem na long Baibel em i makim rot bambai ol man i bin mekim rong na ol i tanim bel, God i ken orait long ol na kongrigesen Kristen i ken kisim bek ol. (Sng 51:​12, 17) Taim kongrigesen i mekim olsem, Baibel i kirapim yumi long soim dispela man i bin tanim bel olsem yumi laikim em tru.​—⁠2 Ko 2:​6-8.

Tasol maski yumi amamas taim kongrigesen i kisim bek wanpela wanblut o man yumi save long em, yumi no ken paitim han taim ol mekim toksave long kongrigesen olsem ol i kisim em bek. Wastaua bilong Oktoba 1, 1998, pes 17 i tok olsem: “Tasol yumi mas save, klostu olgeta long kongrigesen i no save long ol samting i bin kamap na kongrigesen i rausim wanpela man o kisim em bek. Na tu, ating sampela insait long kongrigesen i bin kisim hevi long dispela rong em i bin mekim, na ating dispela hevi bai stap longtaim. Yumi tingim dispela samting, olsem na taim kongrigesen i toksave olsem ol i kisim bek wanpela man, long dispela taim yet yumi no mekim sampela tok o pasin bilong amamas long em​—⁠yumi wet inap long taim yumi go sekanim em na yumi ken tok amamas long em i kam bek.”

Maski yumi amamas tru long lukim wanpela man o meri i kam bek long tok i tru, em i no stret long yumi paitim han taim ol i mekim toksave long kongrigesen olsem ol i kisim em bek.