Ol Toksave

◼ Samting bilong tilim long Ogas: Yupela i ken tilim wanpela bilong ol dispela buklet: Stap Amamas Oltaim Long Graun!, Wanpela Gavman Em Bai Kamapim Paradais, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Tru God i Save Tingim Yumi?, Yumi Stap Bilong Mekim Wanem​—⁠Yu Ken Save Olsem Wanem?, na Tewel Bilong Ol Daiman​—⁠Yu Ting Ol Inap Helpim o Nogutim Yu? Septemba: Buk Yu Inap i Stap Oltaim Long Paradais Long Graun. Oktoba: Tilim nius Wastaua na Kirap! Taim yu mekim gobek na man i laik harim tok, orait yu ken tilim sabskripsen long em. Novemba: Buk Save i Bringim Man Long Laip Oltaim o buklet God i Laik Yumi Mas Mekim Wanem? Wok strong long kirapim ol Baibel-stadi. Disemba: Buk Nambawan Man Tru i Winim Olgeta Narapela Man o Yu Inap i Stap Oltaim Long Paradais Long Graun.

◼ Wasman siaman o wanpela brata em wasman i makim, em i mas skelim ol akaun bilong kongrigesen long Septemba 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting.

◼ Ol kongrigesen i ken kirap putim oda long ol kalenda bilong ol Witnes Bilong Jehova bilong yia 2002 wantaim oda bilong mun Septemba.

◼ Kirap long dispela yia, ol painia oltaim i mas winim 16 krismas bilong ol inap i go long Skul Bilong Ol Painia. Sapos ol i kisim 16 krismas paslain long Septemba 1 bilong yia dispela skul bai kamap, orait ol i ken i go. Sapos wanpela painia i no winim yet 16 krismas, tasol papa o mama bilong em i wanpela painia na inapim mak bilong i go long wankain klas, orait em i ken i go wantaim em.

◼ Long Ogas 31, 2001 o kwiktaim bihain long dispela de, ol brata i lukautim buk-rum i mas kaunim hamas buk na nius i stap long kongrigesen. Dispela wok em i wankain olsem wok kodineta bilong buk-rum i save mekim long pinis bilong olgeta mun, na yupela i mas raitim namba bilong buk na nius long fom Bilong Kaunim Ol Buk Samting Long Septemba 1 (S-18-MP). Ol brata i lukautim ol magasin inap tokim kodineta bilong buk-rum long hamas magasin olgeta i stap long wan wan kongrigesen i save bung long wanpela Haus Kingdom. Ol kongrigesen bilong stretim oda bilong litresa bai kisim 3-pela bilong dispela fom (S-18-MP). Plis salim namba wan kopi long brens-ofis paslain long Septemba 7. Holim namba tu kopi, olsem kabon kopi bilong putim long fail bilong kongrigesen. Namba tri kopi em bilong mekim wok long en taim yupela i wok long kaunim ol buk samting. Kuskus bilong kongrigesen bilong stretim oda bilong litresa i mas bosim dispela wok. Kuskus na wasman siaman bilong dispela kongrigesen bai sainim dispela fom.

◼ Mipela bai salim kat bilong kibung distrik bilong 2001 i kam wantaim ol Wok Kingdom bilong Ogas o Septemba. Olsem na yupela i no gat wok long putim oda long ol dispela kat. Mipela bai tingim namba bilong ol pablisa bilong wan wan kongrigesen na salim kat inap long dispela namba. Sapos yupela i mas kisim sampela kat moa, orait putim oda na raitim long Literature Request Form (S-14). Yupela i mas putim oda long ol plastik karamap bilong kat bilong ol pablisa i laik kisim.

◼ Mipela i amamas long toksave olsem long Me, 2001, wanpela kongrigesen i kamap long Dili, long Is Timor. Dispela kongrigesen i gat 8-pela pablisa, na long olgeta taim inap 20 manmeri i save kam long ol miting; namba bilong ol man i kam long Memorial em 32. Mipela i save Jehova bai blesim ol, taim ol i wok yet long autim gutnius bilong Kingdom long taim nogut.

◼ Kirap long nau bai yumi kolim nem bilong brens-ofis olsem, Jehovah’s Witnesses, Papua New Guinea Branch, bai yumi no kolim moa olsem International Bible Students Association of Papua New Guinea.

◼ Ol Buk Yu No Inap Kisim Moa:

Watchtower 1986, 1999 Volium​—⁠Tok Inglis

2001 Yearbook of Jehovah’s Witnesses​—⁠Tok Inglis