Autim Tok Long Olgeta Hap Bilong Graun

Yu ting husat bai lukim planti taim video To the Ends of the Earth? Ol man i putim mak bilong kamap misineri. Bilong wanem ol i laik lukim? Bilong ol i ken save gut long Wastaua Baibel Skul Bilong Gileat. Ol i wokim dispela video taim dispela narapela kain skul i bin stap inap 50 yia. Ol i bin kamapim dispela skul bambai ol i ken autim tok long “olgeta manmeri bilong graun.” (Sng. 22:27) Taim yu lukim dispela video em bai kirapim yu long tingim moa yet dispela bikpela wok bilong autim gutnius na long mekim bikpela wok moa. Skelim ol dispela askim: (1) Long kirap bilong 1940, oganaisesen bilong Jehova i gat bikpela tingting long wanem samting? (Ap. 1:⁠8) (2) Long 1942, truim bilong wanem bikpela tok profet bilong Baibel i wok long kamap? Olsem wanem tingting bilong yumi i narapela kain long tingting bilong ol man bilong graun? (KTH 17:8; w89 8/1 p. 15 par. 12) (3) Ol i tingting long mekim wanem bihain long Namba Tu Pait, em ol i ting bihain long dispela pait gutaim bai kamap? ( jv-E p. 522 par. 1-2) (4) Yu laikim wanem ol pasin bilong ol sumatin bilong namba wan klas bilong Skul Gileat? (5) Taim Skul Gileat i kirap na i go inap 50 yia, hamas sumatin i winim skul? Ol i salim ol i go long hamas kantri? (6) Ol sumatin i kisim wanem kain skul long Baibel? (7) Wanem kain man i gutpela misineri na tisa bilong Tok Bilong God? (8) I stap bilong ol misineri i wanem kain? Ol i mas karim wanem kain ol hevi? (9) Ol misineri i ting olsem wanem long i stap bilong ol? Ol i daunim laik bilong ol yet na dispela i bin givim wanem kain amamas long ol? (10) I kam inap long nau, planti tausen misineri i bin mekim wanem ol samting? Stori long dispela. (11) Yu ting olsem wanem long ol brata na sista i bin go long olgeta hap bilong graun bilong mekim wok autim tok? (12) Pasin bilong ol misineri i kirapim yu long mekim wanem? Bilong wanem em i kirapim yu long mekim olsem?