Ol Toksave

◼ Samting bilong tilim long Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​​—⁠Yu Ting Ol Inap Helpim o Nogutim Yu? Septemba: Buk Putim Yau Long Tok Profet Bilong Daniel! Oktoba: Nius Wastaua na Kirap! Sapos man i laik kisim sampela save moa, tilim buklet Yumi Mas Mekim Wanem?, na wok strong long kirapim Baibel-stadi. Novemba: Buklet God i Laik Yumi Mas Mekim Wanem? o buk Save i Bringim Man Long Laip Oltaim. Sapos man bilong haus i holim pinis tupela samting hia, orait tilim wanpela buk samting i bilong bipo liklik.

◼ Ol kongrigesen i ken kirap putim oda long ol kalenda bilong ol Witnes Bilong Jehova bilong yia 2003 na buk Skelim Sampela Tok Bilong Baibel Long Olgeta De​—⁠2003, na 2003 Yearbook of Jehovah’s Witnesses wantaim oda bilong neks mun.

◼ Wasman siaman o wanpela brata em wasman i makim, em i mas skelim ol akaun bilong kongrigesen long Septemba 1 o kwiktaim bihain long en. Taim em i mekim pinis, orait toksave long dispela samting long kongrigesen taim yupela i kamapim ripot bilong ol akaun long narapela miting.

◼ Long Ogas 31, 2002 o kwiktaim bihain long dispela de, ol brata i lukautim buk-rum i mas kaunim hamas buk na nius i stap long kongrigesen. Dispela wok em i wankain olsem wok em kodineta bilong buk-rum i save mekim long pinis bilong olgeta mun, na yupela i mas raitim namba bilong buk na nius long fom Bilong Kaunim Ol Litresa Long Septemba 1 (S-18-MP). Ol brata i lukautim ol magasin i ken tokim kodineta bilong buk-rum long hamas magasin olgeta i stap long wan wan kongrigesen i save bung long wanpela Haus Kingdom. Ol kongrigesen bilong stretim oda bilong litresa bai kisim 3-pela bilong dispela fom (S-18-MP). Plis salim namba wan kopi long brens-ofis paslain long Septemba 7. Holim namba tu kopi, olsem kabon kopi bilong putim long fail bilong kongrigesen. Namba tri kopi em bilong mekim wok long en taim yupela i wok long kaunim ol buk samting. Kuskus long kongrigesen bilong stretim oda bilong litresa i mas bosim dispela wok. Kuskus na wasman siaman bilong dispela kongrigesen bai sainim dispela fom.