Ol Toksave

◼ Novemba: Buk Kisim Skul Long Bikpela Tisa. Sapos man bilong haus i tok em i no gat pikinini, orait tilim buk Save o liklik nius Yu Laik Kisim Sampela Save Moa Long Baibel? Disemba: Buk Baibel Stori Buk Bilong Mi o buk Nambawan Man Tru i Winim Olgeta Narapela Man. Janueri: Buk Rot Bilong Famili i Ken Stap Amamas. Sapos kongrigesen i no gat dispela buk, orait tilim buklet Was i Stap! Februeri: Buk Go Klostu Long Jehova.

◼ Wasman siaman o wanpela brata em i makim i mas skelim ol akaun bilong kongrigesen long Disemba 1 o kwiktaim bihain long en. Sapos i gat narapela akaun, kain olsem akaun bilong stretim ol samting bilong Haus Kingdom o konstraksen, orait stretim rot bilong skelim dispela akaun tu. Taim em i mekim pinis, orait toksave long kongrigesen long dispela samting taim yupela i kamapim ripot bilong ol akaun long narapela miting.

◼ Sapos yu givim sek olsem kontribiusen na yu putim long bokis kontribiusen long Haus Kingdom bilong helpim wok long olgeta hap na long bokis Kontribiusen Bilong Wokim Ol Haus Kingdom, orait yu mas raitim akaun nem bilong kongrigesen yu stap long en. Olsem, “Kongrigesen Kavieng Bilong Ol Witnes Bilong Jehova.” Ol kontribiusen yu givim long rot bilong sek long kibung distrik o salim i go long brens ofis, yu mas raitim “International Bible Students Association” o “IBSA” long en. Atres bilong brens ofis bilong salim ol sek samting long en em International Bible Students Association, P.O. Box 636, Boroko, NCD 111.

◼ Namel pepa bilong Wok Kingdom em “Skripsa Indeks 2001.” Yupela i mas putim gut dispela pepa bambai yupela i ken yusim bihain taim yupela i mekim stadi bilong yupela yet. Bilong kisim save long pasin bilong mekim wok long dispela indeks, lukim Wastaua Buk na Nius Skripsa Indeks 1991-2000.