Ol Toksave

◼ Julai na Ogas: Wanpela bilong ol dispela buklet: Tru God i Save Tingim Yumi?, Stap Amamas Oltaim Long Graun!, “Harim! Mi Mekim Olgeta Samting i Kamap Nupela!,” Gutpela Yu Bilip Long God Triwan o Nogat?, Wanpela Gavman Em Bai Kamapim Paradais, Was i Stap!, Yumi Stap Bilong Mekim Wanem​—⁠Yu Ken Save Olsem Wanem?, Taim Wanpela Long Famili i Dai, na Tewel Bilong Ol Daiman​—⁠Yu Ting Ol Inap Helpim o Nogutim Yu? Tru Ol i Stap o Nogat? Septemba: Tilim nupela buk Tru Tru Baibel i Tok Wanem? Wok strong long kirapim ol Baibel stadi. Oktoba: Wastaua na Kirap! Sapos man i gat laik long harim tok, tilim buklet Was i Stap! bilong kirapim laik bilong em long kisim sampela save moa long Baibel.

◼ Em i gutpela long salim aplikesen bilong wok painia oltaim long brens ofis inap 30 de paslain long de brata o sista i putim aplikesen i laik kirap mekim wok painia. Kuskus bilong kongrigesen i mas sekim gut fom bilong save dispela brata o sista i raitim olgeta tok long fom o nogat. Sapos brata o sista i no inap tingim det stret em i bin kisim baptais, orait em i mas makim wanpela det na raitim na tingim dispela det. Kuskus i mas raitim dispela det long kat Congregation’s Publisher Record (S-21-E).

◼ Kuskus i mas sekim fail bilong kongrigesen i gat Pas Bilong Makim Painia (S-202-MP) bilong wan wan painia oltaim bilong kongrigesen o nogat. Sapos nogat, em i mas rait na toksave long brens ofis.

◼ Long Septemba 1, 2006 i gat wok long kaunim hamas buk na nius i stap long kongrigesen. Dispela wok i wankain olsem wok yupela i save mekim long olgeta mun, na yupela i mas raitim namba bilong ol buk na nius long fom Bilong Kaunim Ol Litresa (S⁠-⁠18⁠-⁠MP). Magasin sevan bai tokim yupela long hamas magasin i stap na yupela i ken raitim dispela namba long fom. Kuskus i mas bosim dispela wok. Olgeta kongrigesen bai kisim tupela fom bilong mekim dispela wok. Plis salim namba wan kopi long brens ofis paslain long Septemba 6. Putim namba tu kopi long fail bilong kongrigesen.

◼ Miting bilong olgeta yia bilong lain International Bible Students Association of Papua New Guinea Incorporated, bai kamap long Sarere, Oktoba 7, 2006, long 4 klok long apinun long brens ofis.