Ol Toksave

◼ Julai na Ogas: Sapos kongrigesen i gat buk Save i Bringim Man Long Laip Oltaim, buk Yu Inap i Stap Oltaim Long Paradais Long Graun, o ol narapela olpela buk i gat 192 pes, yupela i ken tilim wanpela bilong ol dispela buk. O yupela i ken tilim ol buklet long Tok Pisin em kongrigesen i gat, tasol no ken tilim God i Laik Yumi Mas Mekim Wanem? na Yu Inap i Stap Pren Bilong God. Septemba: Tru Tru Baibel i Tok Wanem? Wok strong long kirapim wanpela Baibel stadi long taim yu bungim man long namba wan taim. Sapos man bilong haus i gat dispela buk pinis, orait soim em long pasin bilong mekim stadi long dispela buk. Oktoba: Wastaua na Kirap! Sapos man i laik harim tok, tilim na stori long liklik pepa Yu Laik Kisim Sampela Save Moa Long Baibel? na tingting long kirapim Baibel stadi.

◼ Ogas i gat 5-pela wiken, olsem na em i gutpela taim bilong mekim wok painia haptaim.

◼ Ol wan wan pablisa yet i no ken salim oda bilong ol buk samting i go long brens ofis. Long olgeta mun, paslain long kongrigesen i salim oda bilong litresa i go long brens ofis, wasman siaman i mas stretim rot bilong mekim toksave long dispela samting. Orait nau olgeta husat i laik kisim ol buk samting ol i ken toksave long brata i lukautim litresa. Tingim wanem ol buk samting i olsem spesel rikwes aitem.

◼ Long Septemba 1, 2008 i gat wok long kaunim hamas buk na nius i stap long kongrigesen. Dispela wok i wankain olsem wok yupela i save mekim long olgeta mun, na yupela i mas raitim namba bilong ol buk na nius long fom yupela bai kisim, nem bilong en Bilong Kaunim Ol Litresa Long Septemba 1, 2008. Magasin sevan bai tokim yupela long hamas magasin i stap na yupela i ken raitim dispela namba long fom. Kuskus i mas bosim dispela wok. Olgeta kongrigesen bai kisim tupela fom bilong mekim dispela wok. Plis salim namba wan kopi long brens ofis paslain long Septemba 6. Putim namba tu kopi long fail bilong kongrigesen. HARIM: Sapos tupela o tripela kongrigesen i yusim wanpela Haus Kingdom, kongrigesen bilong kodinetim litresa tasol bai raitim wanpela kopi bilong olgeta buk na nius i stap long Haus Kingdom.

◼ Bilong kirapim ol Baibel stadi, yupela i mas yusim buk Baibel i Tok na no ken yusim buklet Yumi Mas Mekim Wanem? Yupela i ken tilim yet buklet Yumi Mas Mekim Wanem? long wok autim tok i go inap long taim dispela buklet i pinis.