Ol Bokis Kontribiusen

Olgeta wan wan Haus Kingdom i mas i gat tripela bokis kontribiusen. Namba wan bokis i mas i gat rait “Mani Bilong Kongrigesen.” Em mani bilong baim ol samting kongrigesen i mas i gat na i mekim wok long en. Mani ol i kisim long dispela bokis, ol i mas putim long beng aninit long nem bilong kongrigesen. Mani em kongrigesen i kisim olsem dinau na i pasim tok long bekim o mani em kongrigesen i save givim bilong helpim Haus Kingdom i insait long en.

Namba tu bokis i mas i gat rait “Kontribiusen Bilong Helpim Wok Long Olgeta Hap.” Mani ol i kisim long dispela bokis, ol i mas salim long brens ofis wanpela taim long olgeta mun. Dispela mani i save helpim brens ofis bilong kantri long baim ol samting brens i yusim, na hap mani i stap yet ol i save salim i go long ol narapela kantri.

Namba tri bokis i mas i gat rait “Bilong Wokim Ol Haus Kingdom Long Olgeta Hap.” Mani ol i kisim long dispela bokis, ol i mas salim i go long brens ofis wanpela taim long olgeta mun. Dispela mani i save helpim wok bilong sanapim ol Haus Kingdom insait long kantri, na mani i stap yet ol i salim long ol narapela kantri long mekim dispela wankain wok. Olgeta kongrigesen i mas i gat dispela bokis kontribiusen, maski ol i wok long wokim Haus Kingdom bilong ol yet.

Sampela taim kongrigesen inap putim narapela bokis kontribiusen inap sotpela taim tasol bilong helpim wok bilong sanapim Haus Kingdom i kamap long hap kongrigesen i stap long en. Kongrigesen i ken rausim dispela bokis taim wok bilong wokim dispela Haus Kingdom i pinis. Tasol taim kongrigesen i wokim yet dispela Haus Kingdom, ol i no ken rausim bokis kontribiusen Bilong Wokim Ol Haus Kingdom Long Olgeta Hap.

This box is unique to PNG and is a partial repeat from km 3/01, repeated again in km 8/04