Ol Toksave

◼ Novemba: Tru Tru Baibel i Tok Wanem? Wok strong long kirapim Baibel stadi. Disemba: Tilim buk Nambawan Man Tru i Winim Olgeta Narapela Man. Sapos ol i gat pikinini, tilim buk Kisim Skul Long Bikpela Tisa. Janueri: Sapos kongrigesen i gat buk Save i Bringim Man Long Laip Oltaim, na Yu Inap i Stap Oltaim Long Paradais Long Graun, o ol olpela buk i gat 192 pes long en, yu ken tilim wanpela bilong ol. Sapos no gat, yu inap tilim buk Rot Bilong Famili i Ken Stap Amamas. Februeri: Tilim buk Rot Bilong Famili i Ken Stap Amamas.

◼ Olgeta wan wan insait long kongrigesen husat i baptais pinis i mas i gat namel pepa “Sapos Samting i Kamap Bilong Traim Bilip Bilong Yu Long Haus Sik, Yu Redi Long Sanap Strong?,” long Wok Kingdom. Ol papamama husat i baptais pinis inap kisim narapela namel pepa “Lukautim Gut Ol Pikinini Bilong Yu Bambai Ol i No Ken Kisim Blut.” Olgeta i mas ritim gut dispela tupela pepa bilong ol i ken save gut long ol tok i stap insait. Ol i ken putim oda long kisim kopi bilong dispela pepa long rot bilong pulapim Literature Request Form (S-​14-E). Kuskus bilong kongrigesen i mas holim sampela i stap long kongrigesen na bai em i ken givim long ol nupela husat i kisim baptais, na em i mas givim long wankain taim em i givim kat Advance Medical Directive/Release card na Identity Cards long ol papamama em pikinini bilong ol i no baptais yet.

◼ Kirap long Janueri 1, 2009, bai yumi no mekim wok moa long dispela nem wasman siaman. Tasol bai yumi kirap kolim wasman siaman olsem “kodineta bilong lain elda.”