Ol Toksave

◼ Samting bilong tilim long Septemba: Tru Tru Baibel i Tok Wanem? Wok strong long kirapim Baibel stadi long namba wan taim yu bungim man. Oktoba: Wastaua na Kirap! Taim yu bungim man i laik harim tok, givim em liklik nius Yu Laik Save Long Tok i Tru? na wok strong long kirapim Baibel stadi. Novemba: Tru Tru Baibel i Tok Wanem? wantaim buk Rot Bilong Famili i Ken i Stap Amamas, o ol olpela buk i gat 192 pes long en. Disemba: Nambawan Man Tru i Winim Olgeta Narapela Man. Sapos i gat ol pikinini i stap long haus, tilim buk Kisim Skul Long Bikpela Tisa.

◼ Spesel pablik tok bilong taim bilong Memorial long 2011 bai kamap long wik bilong Epril 25, 2011. Bihain mipela bai toksave long nem bilong dispela tok. Ol kongrigesen i gat visit bilong wasman raun o kibung long dispela wiken, ol bai mekim dispela spesel tok long wik bihain. Ol kongrigesen i no ken mekim dispela spesel pablik tok paslain long Epril 25.

◼ Bilong redi long Miting Bilong Wok i gat hap bilong ol askim na bekim long wik i kirap long Septemba 13, ol bratasista yet o kongrigesen i mas stretim rot bilong lukim vidio The Bible​—⁠Its Power In Your Life. Em namba tu vidio i stap long DVD i gat tripela vidio long en, nem bilong DVD em The Bible​—⁠A Book of Fact and Prophecy.