Ol Toksave

◼ Samting bilong tilim long Me na Jun: Mekim wok long wanpela bilong ol dispela liklik nius: Mekim Gut Bel Bilong Man i Stap Bel Hevi, Amamas Wantaim Famili, Gutpela Samting Bai Painim Ol Man i Dai Pinis?, Jehova—Em i Husat?, Krais Jisas—Em i Husat?, Gutpela Sindaun Long Nupela Taim, Pen na Hevi Bai Pinis, Husat Tru i Bosim Dispela Graun?, na Save Long Tok i Tru? Sapos man i laik harim tok, orait yusim buk Baibel i Tok o wanpela bilong ol buklet Harim Tok Bilong God o Harim Tok Bilong God na Stap Oltaim na soim pasin bilong kirapim Baibel stadi. Julai na Ogas: Buklet Gutpela Nius i Kam Long God!

◼ Mipela i amamas long toksave long yupela olsem nau i gat ol dispela buklet i stap. Em Harim Tok Bilong God na Stap Oltaim na Harim Tok Bilong God long tok Hula, em wanpela tokples bilong Sentral Provins. Ol kongrigesen i ken putim oda nau long ol dispela buklet.

◼ Tok Hiri Motu, Motu, Toaripi na Waima i stap nau long jw.org Web-sait. Ol atres stret bilong ol dispela tokples em: Hiri Motu jw.org/ho; Motu jw.org/meu; Toaripi jw.org/tqo na Waima jw.org/rro. Tasol yu ken lukim tu long tok Inglis Web-sait (jw.org) na makim wanem tokples stret em yu laik lukim.