Tok Bilong God Inap Stiaim Yu Long Olgeta De

Taim yumi ritim Baibel long olgeta de, dispela inap helpim yumi long “kamap strong” na “sanap strong long bilip.” (Kol. 2:6, 7) Sapos yumi laik bai Tok Bilong Jehova i stiaim yumi, orait yumi mas tingim tingim ol dispela tok na bihainim long i stap bilong yumi. (Hib. 4:12; Jems 1:22-25) Long Josua 1:8 (NW), Baibel i kolim 3-pela rot bilong ritim Baibel: (1) Ritim Tok Bilong God long “san na long nait.” (2) Yu mas “ritim isi” long pasin we yu inap tingim tingim ol tok na piksaim ol samting i kamap. (3) Givim bel long “bihainim olgeta tok i stap long dispela lo.” Taim yumi bihainim ol dispela rot bilong ritim Baibel, “olgeta samting [yumi] mekim bai i kamap gutpela tasol, na bai [yumi] bihainim gutpela tingting” long olgeta de.