Gutpela Ripot Bilong Autim Tok

Long Novemba 2013, ol kongrigesen long olgeta hap bilong graun i kisim toksave olsem ol bai bungim Baibel Skul Bilong Ol Singel Brata (BSSB) na Baibel Skul Bilong Ol Marit Kristen (BSCC) na kamapim wanpela skul, em Skul Bilong Ol Kingdom Evanselis (SKE). Nambawan wok bilong dispela skul em long trenim ol sumatin long mekim wok autim tok. Tasol ol bai makim sampela sumatin long helpim wok i kamap long Betel o sanapim ol Haus Kingdom. Olsem na mipela i amamas long tokaut olsem long Jun 10, 2015, mipela i kisim tok orait long mekim Skul Bilong Ol Kingdom Evanselis hia long Papua Niugini. Fes klas i kamap long Septemba, 2015.—Ais. 54:13.