ME 5-11

GUTPELA SAVE I KAM LONG BAIBEL

1. Pasin Bilong Wok Hat i Save Kamapim Gutpela Samting

(10 min.)

No ken westim taim long ol samting i no bikpela samting (Pr 12:11)

Wok hat, na givim bel long wok (Pr 12:24; w16.06 31 par. 1)

Yu bai kisim gutpela pe long wok yu mekim (Pr 12:14)

Ol piksa: Wanpela brata i givim bel long mekim wok olsem man bilong stretim ol paip na em i mekim tu ol wok long sait bilong bilip. 1. Em i karim ol tul na wokabaut. 2. Em i yusim spana long wok long wanpela bikpela paip. 3. Em i go wantaim famili bilong em long miting bilong kongrigesen. Em na pikinini meri bilong em i apim han long bekim tok. 4. Em i yusim liklik nius long autim tok long man long ples bilong kisim fiul.

ROT BILONG MEKIM: Yumi bai amamas taim yumi tingim hau pasin bilong givim bel long wok bai helpim ol narapela.—Ap 20:35; w15 2/1 5 par. 4-6.

2. Mekim Wok Painimaut

(10 min.)

Pr 12:16—Hau bai stiatok long dispela ves inap helpim wanpela long stap isi na karim hevi? (ijwyp atikol 95 par. 10-11)

Bekim
Yu lainim wanem samting long Baibel ritim bilong dispela wik em yu laik kamapim?

Bekim

3. Baibel Ritim

(4 min.) Pr 12:1-20 (th stadi 5)

MEKIM WOK AUTIM TOK

4. Kirapim Toktok

(2 min.) AUTIM TOK LONG OL HAUS. (lmd lesen 1 poin 4)

5. Kirapim Toktok

(3 min.) AUTIM TOK LONG OL HAUS. Tokim man olsem yu laik stadi wantaim em long Baibel. (lmd lesen 5 poin 4)

6. Gobek

(3 min.) AUTIM TOK LONG KAIN KAIN TAIM NA PLES. Soim website long wanpela husat i gat ol pikinini. (lmd lesen 9 poin 3)

7. Kamapim bilip bilong yu

(3 min.) Soim. ijwfq atikol 3—Het Tok: Yu Bilip Olsem Lotu Bilong Yu Tasol Em Trupela Lotu? (lmd lesen 4 poin 3)

BIHAINIM PASIN KRISTEN

8. Kisim Helpim Long Jehova Long Taim i Gat Hevi Bilong Mani

(15 min.) Stori na givim ol askim.

Olsem wanem? Yu tingting planti long painim wanpela wok mani, ol bai rausim yu long wok, yu no inap long painim rot bilong kisim mani long nau o long taim yu go lapun? Long olgeta hap bilong graun i gat hevi bilong mani. Tasol Jehova i tok promis olsem sapos yumi putim laik bilong em i stap namba wan, oltaim em bai givim yumi ol samting yumi nidim—maski yumi feisim ol bikpela senis na dispela i kamapim hevi bilong mani.—Sg 46:1-3; 127:2; Mt 6:31-33.

Piksa ol i kisim long vidio “Jehova i No Lusim Mipela.” Brata Alvarado i holim han bilong meri bilong em taim em i beten wantaim famili bilong em.

Pilaim VIDIO Jehova i No Lusim Mipela. Bihain askim odiens:

Yu kisim wanem skul long ekspiriens bilong Brata Alvarado?

Bekim

Ritim 1 Timoti 5:8. Bihain askim odiens:

Hau na dispela ves i strongim bilip bilong yu olsem oltaim Jehova bai givim ol samting lain i lotu long em i nidim?

Bekim

Skelim sampela stiatok bilong Baibel we bai helpim yu long karim hevi bilong mani:

Stap simpol. Lusim pasin bilong kisim dinau na baim nating ol samting.—Mt 6:22
Mekim ol disisen long wok mani na skul we bai helpim yu long putim samting bilong bilip i stap namba wan.—Fl 1:9-11
Daunim yu yet na redi long mekim ol senis. Sapos yu no painim wanpela wok mani, mekim ol narapela wok—maski em ol wok i no gat nem—dispela bai helpim yu long kisim ol samting we famili bilong yu i nidim.—Pr 14:23
Redi long givim samting long ol narapela, maski yu no gat planti samting.—Hi 13:16

9. Baibel Stadi Bilong Kongrigesen

(30 min.) bt sap. 26 par. 1-8, blok long pes 204, 208