Yu Save?

(Yu inap painim bekim bilong ol dispela askim long ol ves bilong Baibel yumi lukim daunbilo, na tu, olgeta bekim bilong ol i stap long pes 30. Bilong kisim sampela save moa, lukim buk “Insight on the Scriptures,” em Sosaiti Wastaua Bilong Nu Yok i wokim.)

1. Baibel i tok God i “redim pinis” wanem samting bilong ol man nogut na ol man i bikhet na lusim bilip? (Jut 13)

2. Taim God i no wokim yet ol kain kain diwai na gras na kaikai samting long de namba 3, wanem samting i no bin kamap? (Stat 2:⁠5)

3. Bilong wanem Jehova i bin salim ol snek nogut namel long ol lain Israel? (Namba 21:​5-7)

4. Jehova i no save popaia liklik, olsem na yumi ken tok wanem long pasin bilong em? (Song 18:⁠30)

5. Pol i tok, man i givim bel long ol arapela, em i no save amamas long wanem samting? (1 Korin 13:⁠6)

6. Wanem nem bilong tripela man i bin karim ol kaikai samting i go long Devit taim Apsalom i birua long em na em i bin lusim Jerusalem na ranawe? (2 Samuel 17:​27-29)

7. Jehova i stap olsem wanpela strongpela banis bilong ol lain bilong em, olsem na yumi ken tok em i stap olsem wanem samting bilong yumi? (Song 62:⁠7)

8. Bilong wanem Efraim i bin kolim nem bilong nupela pikinini man bilong em Beria, insait bilong en i olsem “taim nogut”? (1 Stori 7:​20-23)

9. Jisas i tok piksa long wanem samting bilong helpim yumi long save olsem God bai lukautim lain bilong em long ol klos samting? (Luk 12:​27, 28)

10. I gat hamas man i insait long ami bilong Sera bilong kantri Sudan taim Jehova i bin helpim Asa long daunim ol? (2 Stori 14:​9,12)

11. Pol i givim wanem toksave long ol Kristen long pasin bilong poroman wantaim ol narapela? (1 Korin 15:⁠33)

12. Kingdom bilong God bai mekim wanem long olgeta kingdom ol man bilong graun i bin kamampim? (Daniel 2:⁠44)

13. Taim ol Israel i kam long bagarapim Jeriko, Rahap i mekim wanem na ol i ken luksave long haus bilong em? (Josua 2:⁠18)

14. Josua i mekim wanem bilong daunim ol lain bilong Ai na kisim taun bilong ol? (Josua 8:3-7)

15. Jehova i tokim Moses long bungim na putim hamas mana i stap bambai ol tumbuna pikinini bilong ol Israel i ken lukim bihain? (Kisim Bek 16:​32-34)

[Blok long pes 30]

Ol Bekim

1. “Tudak tru i blak nogut tru”

2. Ren

3. Long wanem, ol i tok kros na bikhet long Jehova

4. I stret olgeta

5. Pasin i no stret

6. Sobi, Makir, Barsilai

7. Strongpela wasman

8. Long wanem, ol man bilong Get i bin kilim i dai tupela narapela pikinini man bilong em

9. Em i tok piksa long ol bilas bilong ol plaua

10. Wan milion

11. “Sapos yumi poroman wantaim ol man nogut, bai ol i bagarapim gutpela pasin bilong yumi”

12. Daunim na bagarapim ol

13. Em i pasim retpela rop long windo

14. Em i makim sampela man long hait baksait long taun na em wantaim ol narapela man i go long taun stret na taim ol man bilong Ai i kam ausait long pait, Josua wantaim lain bilong em ol i ranawe bilong pulim ol lain bilong Ai i go longwe liklik long banis bilong taun

15. Wanpela sospen