Yu Ting Wanpela i Bin Wokim?
Glu Bilong Geko
◼ Ol saientis i kirap nogut long geko inap wokabaut na sut i go i kam long banis na windo—na long rup insait long haus—na lek bilong en i no wel liklik! Olsem wanem dispela liklik palai inap mekim olsem?
Baibel i tok liklik palai i save “holim samting long han bilong en.” (Sindaun 30:28, NW ) Na tru tumas, lek bilong geko i kain olsem han, na em inap holim strong banis o glas samting. Olgeta wan wan pinga i gat ol liklik liklik baret i gat planti tausen samting i luk olsem gras. Olgeta wan wan gras i gat planti handet samting olsem tret i liklik tru na man i no inap lukim long ai. I gat wanpela kain strong (ol i kolim strong bilong van der Waals) i save kamap long en, na dispela i mekim na maski geko i ran long glas i stap olsem rup insait long haus, lek bilong en inap holim strong.
Ol saveman i laik wokim glu em inap pas gut long ol samting i olsem glas, olsem lek bilong geko i save mekim.a Nius Science News i tok, ol ‘inap wokim olkain samting bilong haus sik long en, olsem banis bilong pasim sua em inap i stap gut maski wara i holim, na kain plasta em inap holim strong hap bilong skin em dokta i bin katim.’
Orait yu ritim pinis dispela sotpela stori bilong geko na yu ting olsem wanem? Yu ting dispela glu long lek bilong en i bin kamap nating tasol? O yu ting wanpela Man i bin tingim na wokim?
[Ol Futnot]
a Ol saientis i glasim gut tu wanpela marasin protin i stap long wanpela kain kina na i helpim em long pas strong long ol samting i stap insait long wara.
[Piksa long pes 23]
Bel bilong wanpela kain geko
[Piksa long pes 23]
Ol liklik liklik gras long lek bilong geko
[Ol Piksa Kredit Lain long pes 23]
Gecko: Breck P. Kent; close-up: © Susumu Nishinaga/Photo Researchers, Inc.