Pes 2
Skulim Ol Pikinini Long Mekim Gut Wok
Ol papamama i save amamas tru long lukim nupela bebi bilong ol, tasol i gat wanpela samting em ol i no laik tingim. Em olsem, bihain bebi bai kamap bikpela man o meri na em bai lusim ol. Dispela samting i save kamap olsem Baibel i tok “man i save lusim papamama.” (Stat 2:24) Na dispela i wankain tu long yangpela meri.
Long taim pikinini i kamap bikpela man o meri na nau em i mas lusim famili, ol papamama i save tingting planti na wari. Ol i save tingting olsem, ‘Mi mekim gut wok bilong mekim bikpela long pikinini? Em bai inap long holim gut wok mani, na lukautim gut haus, na yusim gut mani long lukautim em yet?’ Bikpela samting moa, ‘Pikinini bilong mi bai bihainim ol samting em mi bin skulim em long en?’—Sindaun 22:6; 2 Timoti 3:15.
Dispela Kirap! bai kamapim olsem wanem ol tok bilong Baibel inap helpim ol papamama long taim pikinini i wok long i go bikpela.