Bihainim Gut Sediul Bilong Yu Long Ritim Baibel Long Olgeta De

Yumi gat planti wok long mekim long olgeta wan wan de, olsem na sampela taim yu save pilim hatwok long bihainim sediul bilong yu long ritim Baibel long olgeta de? (Jos. 1:8) Sapos olsem, orait yu ken traim wanpela bilong ol dispela sajesten:

• Setim ol rimainda. Setim alam long fon o teblet bilong yu bilong rimaindim yu long ritim Baibel.

• Putim Baibel long hap we yu inap lukim. Sapos yu save ritim kopi bilong Baibel em ol i prinim, orait putim long hap we em isi long yu inap lukim long olgeta wan wan de.—Lo 11:18.

• Harim ol odio rekoding. Harim ol odio rekoding bilong Baibel taim yu mekim ol wok bilong wan wan de. Tara em i wanpela painia na wanpela mama husat i save wok long nait, em i tok: “Mi save harim ol odio rekoding bilong Baibel taim mi mekim ol wok long haus, na dispela i helpim mi long ritim Baibel long olgeta de.”

• No ken givap. Sapos sampela samting i kamap em yu no bin ekspektim, orait yu ken traim long ritim 2-pela o 3-pela ves bilong Baibel paslain long yu slip. Maski sapos yu ritim tasol sampela ves long olgeta de, dispela bai helpim yu tru.—1 Pita 2:2.